Elbasy maqalasy: Qoǵam belsendileri ne deıdi
***
Elbasynyń HHІ ǵasyrdaǵy ulttyq sana týraly toqtalýy halyqtyń el bolyp zaman aǵymyna ıkemdelý arqyly jańa dáýirge qadam basýǵa jeteleıdi. Qazirgi damyp kele jatqan qoǵamnyń ómir súrý qaǵıdasynyń jaǵymdy jaqtaryn boıǵa sińirýimiz kerek.
Elbasymyz bul rette, tutas qoǵamnyń jáne árbir qazaqstandyqtyń sanasyn jańǵyrtýdyń birneshe baǵytyn atap ótken: Básekelik qabilet, Pragmatızm, Ulttyq biregeılikti saqtaý, bilimniń saltanat qurýy, Qazaqstannyń revolıýtsııalyq emes, evolıýtsııalyq damýy, Sananyń ashyqtyǵy jóninde sonymen qatar Taıaý jyldardaǵy mindetterimiz týraly da toqtalǵan. Biz bul máselelerge neǵurlym dáıektilik qajettigin tereń túsinip, oryndalýyn mindetti sanap, bir jeńnen qol shyǵaryp bilek sybana kirisýge tıispiz.
J. Málibekov,
Qazaqstan Respýblıkasy Memlekettik Eltańbanyń avtory
***
Elbasynyń jańa maqalasy - jańashyldyqqa bastaıtyn jol
Elbasymyz Nursultan Ábishulynyń «Bolashaqqa baǵdar: rýhanı jańǵyrý» atty jańa maqalasyn oqyp, bolashaqqa baǵdarlanǵan ózgeristermen tanystym.
Maqalada baıandalǵan biraz jaıttar «Qazaqstan-2050» strategııasy qalyptasqan memlekettiń jańa saıası baǵyty» joldaýynda kórsetilgen bolatyn. Onyń ishinde halyqtyń óziniń ulttyq sana-sezimi men qalyptasqan kodyn saqtaı otyryp, jańǵyrýy búgingi zaman talaby. Jahandaný men neolıberalızm úrdisteri, órkenıetter taıtalasy sharyqtaǵan zamanda halyqtyń halyq bolyp qalýy, memleket irgesiniń beriktigi osyndaı keshendi qadamǵa baılanysty bolmaq.
Maqalada kóterilgen latyn álipbıi týraly kesek oı da eldi jańa ózgerister belesine bastary anyq. Dúıim jurt jańa álipbı arqyly álemdik ózgerister kóshine erkin aralasa alady. Bul baǵytta arnaıy baǵdarlama, ádisteme, álipbıdiń ózindik standarty ázirlenetin bolady.
Qazaqstandy órkenıet kóshiniń aldyna bastaıtyn jańa bastamalar qashanda kópshiliktiń qoldaýyna ıe.
Baıan Ahmetjanova
«Ardager» qoǵamdyq birlestiginiń tóraıymy
***
Bolashaqty baǵdarlaǵan rýhanı jańǵyrý joly
Elbasynyń sońǵy maqalasy elimizdiń aldaǵy ýaqyttaǵy áleýmettik jáne ıdeologııalyq damý baǵdaryn aıqyndaǵan mańyzdy jaıttardy baıaedaıdy. Onyń ishinde kelesi baǵyttarǵa erekshe toqtalyp ótýge bolady.
Birinshi - «Jańa gýmanıtarlyq bilim. Qazaq tilindegi 100 jańa oqýlyq» jobasy. Aldaǵy jyldarda gýmanıtarlyq bilimniń barlyq baǵyttary boıynsha álemdegi eń úzdik 100 oqýlyqty qazaq tiline aýdaryp, jastarǵa dúnıe júzindegi tańdaýly úlgilerdiń negizinde bilim alýǵa múmkindik jasalady. Bul jobany júzege asyrý úshin Ulttyq aýdarma bıýrosy qurylady.
Ekinshi - «Týǵan jer» baǵdarlamasy. Týǵan jerine, ózi ósip-óngen jerine kómek jasaýǵa talpynǵan azamattardy qoldaý jáne olardy yntalandyrý jumystary iske asady. Halyq arasynda úlken qoldaýǵa ıe bolsa, bul joba jalpyulttyq patrıotızmniń naǵyz ózegine aınalýy tıis.
Úshinshi - «Mádenı-geografııalyq beldeý» jobasy. Elimizdegi tarıhı-mádenı eskertkishterdi jańǵyrtý, saqtaý, damytý, halyqqa tanytý, olardy nasıhattaý, tarıhyn jete zerdeleý. Bul ulttyq biregeıliktiń basty tiregi bola alady.
Tórtinshi - «Jahandaǵy zamanaýı qazaqstandyq mádenıet» jobasy. Bul joba arqyly mádenı jaýharlarymyzdy álemge tanytýdyń jańa tásilderi qarastyrylady. Myń jyldyq tarıhymyzda tól mádenıetimiz ret álemniń barlyq elderinde kórsetilip, aýqymdy mýltımedııalyq jobalar iske asyrylady.
Besinshi - «Qazaqstandaǵy 100 jańa esim» jobasy. Qazaqstannyń táýelsizdik jyldaryndaǵy damýyna belsene atsalysqan, ártúrli salada óz kásibi arqyly tabysqa jetken, elimizdiń ár óńirinde turatyn túrli jastaǵy, san alýan etnos ókilderiniń tarıhy jarııalaý.
Osy baǵyttaǵy mándetter tabysty iske assa elimiz áleýmettik jáne ıdeologııalyq turǵydan jańasha serpinmen damıdy dep senemin.
Gúlnar Baıymbetova
«Qazaqstan áıelderiniń assotsıatsııasy» qoǵamdyq birlestiginiń tóraıymy
***
Jańǵyrǵan Qazaqstannyń jarqyn baǵdary
Elbasynyń 12 sáýirdegi maqalasy barsha el jurtynyń qoldaýyn tapqan bastamalarǵa toly.
Onyń ishinde ulttyq biregeılikti saqtaý týraly aıtqan usynysy meniń erekshe kóńilimnen shyqty. Eýrotsentrıstik kózqaras, jahandaný tolqyndary, ár túrli dinı jáne ıdeologııalyq ekspantsııalardyń sharyqtaǵan ýaqytynda halyqtyń óz tóltýma mádenıetin saqtap qalýy jáne ony zamanaýı jetistiktermen myqtap shendestirýi búgingi ýaqyt talaby.
Osyǵan baılanysty memleket jáne qoǵam tarapynan tól mádenıemizdi órkendetý, ulttyq qundylyqtarymyzdy nyǵaıtý baǵytynda kóptegen jumystar jasalýda. Mundaı jumystar ǵalamdyq ýaqyttyń jedeldeýi men tehnologııalyq jetistikterdiń adam aıtsa sengisiz jyldamdyqpen damýy kezinde asa kókeıkesti deýge bolady.
Sondyqtan maqalada kóterilgen osy jáne ózge negizgi máseleler kópshilik tarapynan qoldaý taýyp, naqty baǵdarlamalar arqyly jalǵasyn tabady dep senemin.
Altynaı Nurkeeva
«Sotsıým-zertteý» strategııalyk ortalyǵy» qoǵamdyq birlestiginiń tóraıymy