Elbasy maqalasy qazirgi ýaqytta asa ózekti – Jeńis Seıdýllauly
«Qazirgi ýaqytta tek bizdiń elimiz ǵana emes, barsha álem daǵdarysqa ushyrap, qıyndyq kórýde. Osyndaı kúrdeli kezeńde Nursultan Ábishuly «Birlese bilgen el jeńedi» dep halyqty yntymaqqa shaqyryp, árdaıym eldiń múddesin oılaıtynyn kórsetti. Elbasynyń bul maqalasyn qazirgi ýaqytta asa ózekti dep sanaımyn. Maqalanyń ón boıyna zer salsaq, táýelsizdik jyldary qol jetkizgen barlyq jetistigimizdiń bastaýy – halyqtyń bereke-birligi ekendigin ańǵaramyz. Osy oraıda, baýyrmaldyq, birlik, sabyrlyq, bir-birimizge ushyn berý syndy boıymyzǵa sińgen ıgi qasıetterdi joǵaltpaı, shyńdala túsýimiz kerek. Elbasy aıtqandaı, qıyndyqtar rýhy myqty, ózine senimdi adamdardy tek shynyqtyra túsedi. Demek, biz qazirgi synaqtardy qaýip retinde emes, jańasha damý úshin berilgen múmkindik dep qabyldaýymyz kerek«, - dedi uıym dırektory.
Onyń atap ótýinshe, maqalada aıtylǵan barlyq máseleler halyq múddesi men onyń jarqyn keleshegi úshin asa mańyzdy.
»Elbasy jastarǵa erekshe úmit artatynyn jetkizip, aǵa býyn ókilderin parasattylyqqa shaqyrdy. Qıyn kezeńde qoldaý kórsetip, qarjylaı kómektesip jatqan kásipker azamattardyń da eńbegin atap ótti. «Birińdi qazaq biriń dos, kórmeseń – istiń bári bos» dep uly Abaıdyń ósıetin aıta kele, Elbasy osy maqala arqyly el birligin tanytatyn kezeńniń kelgenin ańǵartty«, - dedi ol.
Osy oraıda Jeńis Seıdýllauly óner adamdary da kóptegen onlaın-jobalar arqyly qoldaý kórsetip, qıyn kezeńde qashyqtyqqa qaramaı árdaıym halyqpen birge ekendigin dáleldeı túskendigin basa aıtty.
«Jumyla kótergen júk jeńil» dep birligimiz myqty bolsa, bul qıyndyqty da eńseremiz dep oılaımyn. Demek, Elbasynyń salıqaly oılaryna den qoıyp, el bolashaǵy úshin barynsha eńbek etip, jaýapkershilik tanytýǵa shaqyramyn«, - dedi «Qazaqkontsert» basshysy.