Elbasy Qytaıdyń resmı BAQ ókilderine suhbat berdi
«Elbasy Qytaıdyń resmı BAQ ókilderine suhbat berdi», - dep jazady Qazaqstan Respýblıkasynyń Tuńǵysh Prezıdenti - Elbasynyń Baspasóz hatshysy Aıdos Úkibaı tvıtterdegi paraqshasynda.
Qazaqstannyń Tuńǵysh Prezıdenti Qytaı Halyq Respýblıkasyna sapary barysynda «Sınhýa» aqparat agenttigi, «CCTV» telearnasy, «Jenmın Jıbao» gazeti, Qytaıdyń ortalyq radıosy, «China News Service» aqparat agenttigi, «Hýantsıý shıbao» basylymy sııaqty Qytaıdyń resmı BAQ ókilderine suhbat berdi.
Elbasy «Bir beldeý, bir jol» bastamasyn odan ári júzege asyrý perspektıvalaryna qatysty suraqtarǵa jaýap berip, «Nurly jer» jáne «Jibek jolynyń Ekonomıkalyq beldeýi» baǵdarlamalaryn ushtastyrý nátıjeleri týraly áńgimeledi.
Eske salsaq, Nursultan Nazarbaev «Bir beldeý, bir jol» halyqaralyq forýmnyń ashylý saltanatyna qatysyp, sóz sóıledi.
Jıynda Elbasy tarıhı tsıkl álemdik yqpaldastyq ortalyǵyn Shyǵysqa qaıtarýda ekenin aıtty.