Elbasy Qytaıda CNPC basshysyn «Dostyq» ordenimen marapattady

BEIJІŃ. QazAqparat - Elbasy Nursultan Nazarbaev Qytaıǵa memlekettik sapary aıasynda CNPC kompanııasynyń basshysy Van Ilındi «Dostyq» ordenimen marapattady. Bul jaıynda Qazaqstan Prezıdenti Qytaıdyń bıznes kapıtandarymen kezdesýi barysynda aıtty, dep habarlaıdy QazAqparat tilshisi.

«Qazaqstan Respýblıkasy Prezıdenti janynda Shetel ınvestorlary keńesi jumys isteıdi. Ol turaqty túrde jylyna bir ret jınalyp turady. Onyń músheleriniń biri CNPC kompanııasynyń basshysy Van Ilın myrzany búgin jumysy, kompanııanyń tabysty jumysy úshin «Dostyq» ordenimen marapattadym», - dedi Nursultan Nazarbaev.

Aıta keteıik, Elbasy Nursultan Nazarbaev Qytaıǵa memlekettik saparmen kelip, keshe QHR Tóraǵasy Sı Tszınpınmen keńeıtilgen quramda kelissózder ótkizdi.

Nátıjesinde birneshe qujatqa qol qoıyldy.

Sonymen qatar Memleket basshysy QHR Memlekettik keńesiniń premeri Lı Ketsıanmen, QR Prezıdenti Búkilqytaılyq halyq ókilderi jınalysy Turaqty komıtetiniń tóraǵasy Lı Chjanshýmen kezdesti.

Búgin, 8 maýsym kúni Nursultan Nazarbaev Beıjińde Halyq batyrlary eskertkishine gúldestesin qoıý sharasyna qatysty. 

Al 10 maýsym kúni QR Prezıdenti  Tsındao qalasynda ótetin Shanhaı yntymaqtastyq uıymyna múshe memleketter basshylarynyń keńesine qatysady dep kútilýde.