Elbasy QR Ulttyq qaýipsizdik komıtetine 25 jyl tolýyna oraı merekelik medal taǵaıyndady

ASTANA. QazAqparat - QR Prezıdenti Nursultan Nazarbaev Qazaqstan Respýblıkasy Ulttyq qaýipsizdik komıtetiniń qurylǵanyna 25 jyl tolý qurmetine «Qazaqstan Respýblıkasynyń Ulttyq qaýipsizdik komıtetine 25 jyl» merekelik medali jáne «Qazaqstan Respýblıkasynyń Ulttyq qaýipsizdik komıteti» merekelik belgisin taǵaıyndaý týraly Jarlyqqa qol qoıdy.

Bul týraly Aqordanyń baspasóz qyzmeti habarlady.

***

Qazaqstan Respýblıkasy Ulttyq qaýipsizdik komıtetiniń qurylǵanyna 25 jyl tolý qurmetine arnalǵan merekelik medal jáne merekelik belgi týraly

Qazaqstan Respýblıkasy Ulttyq qaýipsizdik komıtetiniń qurylǵanyna 25 jyl tolý qurmetine QAÝLY ETEMІN:

1. «Qazaqstan Respýblıkasynyń Ulttyq qaýipsizdik komıtetine 25 jyl» merekelik medali jáne «Qazaqstan Respýblıkasynyń Ulttyq qaýipsizdik komıteti» merekelik belgisi taǵaıyndalsyn.

2. Qosa berilip otyrǵan:

1) «Qazaqstan Respýblıkasynyń Ulttyq qaýipsizdik komıtetine 25 jyl» merekelik medalimen jáne «Qazaqstan Respýblıkasynyń Ulttyq qaýipsizdik komıteti» merekelik belgisimen nagradtaý qaǵıdalary;

2) «Qazaqstan Respýblıkasynyń Ulttyq qaýipsizdik komıtetine 25 jyl» merekelik medaliniń sıpattamasy jáne úlgisi;

3) «Qazaqstan Respýblıkasynyń Ulttyq qaýipsizdik komıteti» merekelik belgisiniń sıpattamasy jáne úlgisi bekitilsin.

3. Osy Jarlyq alǵashqy resmı jarııalanǵan kúninen bastap qoldanysqa engiziledi.

 

Qazaqstan Respýblıkasynyń

               Prezıdenti                                                                        N. Nazarbaev

 

 

 

Astana, Aqorda, 2017 jylǵy 25 sáýir

                    № 467

 

Jarlyqtyń qosymshalaryn myna jerden qarańyz