Elbasy QR Tuńǵysh Prezıdenti kúni merekesimen quttyqtaýshylarǵa alǵys bildirdi
Bul týraly Aqordanyń baspasóz qyzmetinen habarlady.
Memleket basshysynyń atyna kelip túsken, oǵan myqty densaýlyq, tabys jáne baq-bereke tilegen quttyqtaýlarda elimizdiń qarqyndy damýy jolyndaǵy, onyń halyqaralyq arenadaǵy bedelin nyǵaıtý jáne Qazaqstan halqynyń ál-aýqatyn arttyrý isindegi Nursultan Nazarbaevtyń orasan zor róli atap ótilgen.
Mysaly, Túrik Respýblıkasy Úkimetiniń janyndaǵy yntymaqtastyq jáne úılestirý jónindegi túrik agenttiniń Qazaqstandaǵy ókili M.Bodýr Nursultan Nazarbaevtyń táýelsiz eldi qalyptastyrýǵa jáne damytýǵa, mańyzdy jahandyq bastamalardy ilgeriletýge, sondaı-aq respýblıkamyzdy órkendetýge qosqan eleýli úlesin atap ótken.
Reseı Federatsııasy Orynbor oblysynyń gýbernatory ıÝ.Berg Orynbor óńiri men Qazaqstandy ortaq tarıh, yntymaqtastyq jáne berik dostyq qarym-qatynastar, tatý kórshilestik baılanystyryp otyrǵanyn aıtqan.
«Biz Orynbor oblysymen dostyq jáne iskerlik baılanystardy nyǵaıtýǵa kúsh salyp otyrǵanyńyz úshin Sizge rızamyz», - delingen hatta.
«Qazmyrysh» kompanııalar tobynyń myńdaǵan adamdyq ujymy óz hatynda Qazaqstannyń búginde álemde bedeldi jáne halyqaralyq qoǵamdastyqqa tanylǵan egemen el ekenin atap ótken.
«Biz gornovoı bolyp domna peshi janynda turǵan adamnyń minezi asa joǵary temperatýralyq rejimde synaqtan ótetinin bilemiz. Sizdiń ómirińiz ben taǵdyryńyz solaı qalyptasyp, jyldar óte kele Qazaqstan dep atalatyn alyp memlekettiń basshylyǵyna keldińiz. Halqyńyz men elińizdi eleýli ekonomıkalyq jáne áleýmettik jańǵyrýlar arqyly alyp ótý de Sizdiń enshińizge tıdi», - dep jazady avtorlar.
«Óskemen tıtan-magnıı kombınaty» AQ jumysshylary Nursultan Nazarbaevtyń basshylyǵymen Táýelsizdik jyldarynda ekonomıkalyq damý men halyqtyń ál-aýqatyn arttyrý isinde Qazaqstannyń aıtarlyqtaı tabystarǵa jetkenine nazar aýdarǵan. Memleket basshysyna myqty densaýlyq, sarqylmas kúsh-qýat tilegen.
Eýrazııalyq top ujymy óz quttyqtaýynda jekemenshik sektor Elbasynyń basshylyǵymen memlekettiń teń quqyly seriktesine ári respýblıka ónerkásibiniń qýatty tiregine aınalǵanyn aıtqan.
«Ekonomıkalyq ózgeristerdiń eń kúrdeli kezeńderinde Siz kásiporyndarǵa qol ushyn sozdyńyz, sonyń arqasynda kompanııalarymyz aıaǵyna turyp, memlekettik bıýdjetti toltyratyn negizgi qaınar-kóz - óndiristik áleýetti ulǵaıta aldy. Eńbek ujymdaryndaǵy áleýmettik turaqtylyqtyń saqtalýyna da Siz yqpal ettińiz», - delingen hatta.
Qazaq memlekettik qyzdar pedagogıkalyq ýnıversıtetiniń stýdentteri jas urpaqty patrıotızm rýhynda tárbıeleý úshin Tuńǵysh Prezıdent kúniniń mańyzdy ekenin aıtqan. Avtorlar sondaı-aq Memleket basshysynyń Qazaqstan halqyna Joldaýyna qoldaý bildirip, ony júzege asyrýǵa óz úlesterin qosýǵa daıyn ekendikterine sendirgen.
Sondaı-aq, memlekettik merekemen quttyqtaýlar H.Dosmuhamedov atyndaǵy Atyraý memlekettik ýnıversıtetiniń, Qaraǵandy memlekettik tehnıkalyq ýnıversıtetiniń oqytýshy-professorlar quramy men qyzmetkerlerinen, stýdentterinen, sondaı-aq Qazaq gýmanıtarlyq zań ýnıversıtetiniń rektory T.Nárikbaev pen Óskemendegi Qazaq-Amerıka erkin ýnıversıtetiniń prezıdenti E.Mámbetqazıevtan keldi.
Almaty qalasyndaǵy jalpy bilim beretin №70 mekteptiń bastaýysh synyp muǵalimi N.Martemıanova óz oqýshylarynyń Tuńǵysh Prezıdent tulǵasyna degen qyzyǵýshylyǵy týraly jazǵan.
«Tuńǵysh Prezıdent kúni merekesine oraı men ekinshi synyp oqýshylarymen emen-jarqyn ári jyly ahýalda áńgime ótkizdim. Oqýshylar Sizge Prezıdent retinde emes, ómirbaıany óte qyzyqty, jarqyn ári mazmundy, eldiń barlyq turǵyndary úshin úlgi bola alatyn qarapaıym adam retinde qyzyǵýshylyq tanytty», - dep jazady avtor.
Qazaqstan uıǵyrlary respýblıkalyq mádenı ortalyǵynyń ókilderi Elbasynyń óz halqy aldyndaǵy jeke jaýapkershiligi birlik, turaqtylyq, ultaralyq kelisim, ornyqty damý sııaqty eldiń mańyzdy jetistikterine jol ashqanyn atap ótken.
«Qazaqstan - búginde ultaralyq kelisim berik ornyqqan, qoǵam ómiriniń barlyq salasy júıeli jaqsaryp kele jatqan el», - delingen hatta.
Almaty qalasyndaǵy «Saılaýhan» emdeý-saýyqtyrý ortalyǵy ujymynyń músheleri elde medıtsınanyń damýyna qolaıly jaǵdaılar jasalǵanyna nazar aýdarǵan.
«Sizdiń arqańyzda elimizde densaýlyqty qorǵaý memlekettik mańyzdy basymdylyqqa ıe, al medıtsınalyq kómektiń sapasy men qoljetimdiligi otandyq densaýlyq saqtaý modeliniń basty strategııalyq mindeti bolyp sanalady», - dep jazady avtorlar.
Aqmola oblysynyń turǵyny B.Janpeıisova jas memlekettiń halqy 1991 jyly daýys berý barysynda mańyzdy tańdaý jasaǵanyn aıtqan.
«Bul súıikti, qymbatty Otanymyzdyń qandaı Prezıdenti bolatynyńyzdy halqymyz áli bilmeıtin kez bolatyn. Biraq sizdi tańdaǵanymyz durys boldy. Búginde biz tipti balalarymyzdyń atyn Sizdiń qurmetińizge qoıamyz jáne muny maqtanyn etemiz», - delingen hatta.
Eńbek ardageri, Astana qalasynyń turǵyny N.Múshkenova da elimizge degen maqtanysh sezimi men onyń jetistikteri týraly aıtady.
«Qazaqstannyń TMD-nyń biraz memleketinen ozǵanyn maqtan tutamyn. Damyǵan otyz eldiń qataryna qosylatynymyzǵa senimdimin. Daǵdarysty alańsyz eńseremiz, tipti bul daǵdarysty biz sezinip te otyrǵan joqpyz. Bul rette Sizdiń eńbegińiz zor», - dep jazady avtor.
Elordada turyp jatqan Rogalevtar otbasy Qazaqstannyń turaqty damýyn qamtamasyz etýdegi Nursultan Nazarbaevtyń kúsh-jigerin erekshe atap ótken.
«Sizdiń dana saıasatyńyz ben sarqylmas kúsh-qýatyńyzdyń arqasynda Otanymyzdyń alyp júregi birqalypty yrǵaqpen soǵyp tur, el ekonomıkasy qarqyndy ári júıeli damyp keledi. Búkil álem Sizdi óz halqyn jasampazdyq, dostyq jáne kelisim jolymen bastap kele jatqan Qazaqstan Respýblıkasynyń Tuńǵysh Prezıdenti retinde tanıdy», - delingen hatta.
Ekibastuzdan hat jazǵan M.Óteýbaev Nursultan Nazarbaevtyń qoǵamdyq kelisimdi qamtamasyz etýdegi, eldi ındýstrııalandyrýdaǵy, ekonomıkaǵa ınnovatsııa engizýdegi, «Qazaqstan-2050» Strategııasyn jáne «Máńgilik El» jalpy ulttyq ıdeıasyn júzege asyrýdaǵy zor úlesin atap ótken.
«Siz álemde bıik qurmetke, laıyqty bedelge ıesiz. Bizdiń tusymyzda beıbitshilik pen jahandyq qaýipsizdikti nyǵaıtý úshin dál Sizdeı kóp is tyndyrǵan memlekettik jáne saıası qaıratker joq. Sizdiń saıasatyńyz Qazaqstan halqyna áleýmettik-ekonomıkalyq progress jolyna túbegeıli túsýge múmkindik bergenin tarıh dáleldedi», - delingen hatta.
Tabys pen baq-bereke tilegen hattar men quttyqtaýlar memleket jáne qoǵam qaıratkerlerinen - Joǵarǵy Sot tóraǵasy Q.Mámıden, Aqmola oblysynyń ákimi S.Kýlagınnen, «Nur Otan» partııasy tóraǵasynyń birinshi orynbasary A.Myrzahmetovten, Parlament Senatynyń depýtaty, Halyq Qaharmany M.Altynbaevtan, Parlament Májilisiniń depýtaty M.Ahmadıevten, keldi.
Sondaı-aq Kásipodaqtar federatsııasynyń tóraǵasy Á.Qusaıynov, Qostanaıdan Sotsıalıstik Eńbek Eri K.Dónenbaeva, Respýblıkalyq ardagerler uıymynyń tóraǵasy Ó.Ozǵanbaev, opera ánshisi M.Mýdrıak, aqyn A.Muqıbek, akademıkter S.Qırabaev pen Á.Beısenova, Túrkistan qalasynan Atatúrik atyndaǵy №17 mektep-gımnazııa muǵalimi S.Gýlamov, Almaty turǵyndary K.Esenova, E.Tegisbaev, O.Doşanova, A.Sarıeva, S.Lıýlına jáne Smaǵulovtar otbasy, Astana qalasynan D.Dúısenbaev, Shymkent qalasynan A.Tóretaev, A.Turdyqulov jáne B.Mátjan, O.Kóshekbaev, Oral qalasynan A.Jalmuratova men T.Qubashev, Semeı qalasynan G.Turǵanbaev, E.Orazalın, Pavlodar qalasynan E.Togtohqyzy, Aqtóbe qalasynan J.Aıaýbaeva jáne G.Jumashev quttyqtaý joldaǵan.
Nursultan Nazarbaevty Tuńǵysh Prezıdent kúnimen jalpy bilim beretin mektepterdiń oqýshylary - Pavlodar oblysynan T.Soltanǵazy, Óskemen qalasynan A.Qadyrbekov, Almaty qalasynan S.Batsıev quttyqtady.
Sondaı-aq, Almaty qalasynan jazýshy, Memlekettik syılyqtyń laýreaty S.Dosanov, Shyǵys Qazaqstan oblysynan Z.Súleımenqyzy, Almaty qalasynan G.Jetaeva, Qyzylorda qalasynan 4-synyp oqýshysy A.Berik óleńmen quttyqtaý joldady.
Kelip jatqan hattarmen tanysyp shyqqan Elbasy avtorlardyń bárine quttyqtaýlary men tilekteri úshin alǵys bildiredi.