Elbasy QR Prezıdenti Ákimshiligine Kásipkerler keńesiniń jańa quramyn jasaqtaýdy júktedi

qpannyń 26-sy. QazAqparat /Qanat Mámetqazyuly/ - Búgin QR Prezıdenti janyndaǵy Kásipkerler keńesiniń birinshi jalpy otyrysy barysynda Memleket basshysy N. Nazarbaev QR Prezıdenti Ákimshiligine Kásipkerler keńesiniń jańa quramyn jasaqtaýdy júktedi,

dep habarlaıdy QazAqparat.

«Protsedýralyq máselelerge keletin bolsaq, men QR Prezıdenti Ákimshiligine Kásipkerler keńesiniń jańa quramyn jasaqtaýdy júkteımin. Biz burynnan qyzmet etip otyrǵan QR Prezıdenti janyndaǵy eki konsýltatıvtik organdy - Ulttyq ınvestorlar keńesi jáne Kásipkerler keńesin biriktirip jańa keńes jasaqtaıtyn bolamyz. Bul rette jasaqtalatyn jańa keńes qazirgi tańda kóterilip otyrǵan máseleler boıynsha belsendi dıalog alańyna aınalatyn bolady», dedi Elbasy.

Sonymen birge, Memleket basshysy Keńestiń kelesi jıynynda Keden odaǵy jáne týyndaýy múmkin jańa qaýip-qaterler týraly máseleler talqylanatynyn atap ótti.