Elbasy Qostanaı turǵynyna páter syılady
Bıyl Qostanaı qalalyq aýrýhanasynyń qyzmetkeri Aıgúl Sýsymbaeva Elbasyna hat jazyp, týǵan kúnimen quttyqtaǵan bolatyn. Ol óz hatynda Qazaqstanda júzege asyp jatqan «Nurly jer» memlekettik baǵdarlamasy týraly aıtyp, Nursultan Nazarbaevqa alǵysyn bildirgen edi.
«Men bul hatymnyń Elbasyna jetetinine senbeı júrdim. Degenmen, jaqynda QR Prezıdenti Keńsesiniń bastyǵy habarlasyp, hatqa jaýap qatty. Basshy myrza meniń hatymdy alǵanyn jáne armanym týraly surady. Árıne, ol - «Nurly jer» baǵdarlamasy arqyly páter alý bolatyn», - dedi qýanyshymen bólisken qala turǵyny.
Mine, kóp uzamaı Aıgúl Sýsymbaeva óziniń týǵan kúninde armandaǵan páter kiltine ıe boldy. Ony oblys ákimi Arhımed Muhambetov tapsyrdy.
«Iá, bul - Elbasynyń arqasy. Ol kisi meniń týǵan kúnimde maǵan páter syılady. Men úshin kútpegen syılyq boldy. Árkim armandasa, soǵan qol jetkizedi. Qazir jumys isteımin degen adamǵa memleket bar jaǵdaıdy jasap otyr. Sol sebepti, tynbaı eńbek etý kerek», - dep aǵynan jaryldy qýanysh ıesi.
Aıgúl Sýsymbaeva Fedorov aýdanynan osydan 10 jyl buryn kóship keldi. Qazir qalalyq aýrýhananyń azyq-túlik bóliminde jumys isteıdi. Bolashaqta dáriger bolýdy armandaıdy.
Eske salsaq, búgin Qostanaıda 120 páterlik eki úı paıdalanýǵa berildi.