Elbasy qory men ıÝNISEF yntymaqtastyq memorandýmyn bekitti
Memorandýmǵa sáıkes, ıÝNISEF jáne QR Tuńǵysh Prezıdenti - Elbasy qory Qazaqstandaǵy balalar quqyǵyna qoldaý bildirý máseleleri týraly qoǵamdyq aqparattandyrý salasynda tyǵyz jumys istemek.
«Elbasy qory jyldar boıy balalar men jasóspirimderdiń zııatkerlik jáne shyǵarmashylyq áleýetin ashatyn túrli jobalardy júzege asyryp keledi. Sebebi, jas daryndardy qoldaý - jalpyulttyq mańyzy bar is. Jyldan-jylǵa áleýmettik jobalardy, onyń ishinde balalar úıimen, ınternattarmen belsendi jumysty arttyrýdamyz. Sonymen birge, bizdiń qor ınklıýzıvti bilim berý salasynda da tabysty jumys istep jatyr. Qor uıymdastyrǵan respýblıkalyq balalar paralamıpıadalyq starttary, «Meıirim» ınklıýzıvti balalar shyǵarmashylyǵy baıqaýy, «Aman keleshek» festıvali erekshe qajettiligi bar balalardy qoǵamǵa beıimdeýge baǵyttalǵan», - dedi QR Tuńǵysh Prezıdenti - Elbasy qorynyń atqarýshy dırektorynyń orynbasary Sultan Aıtjanov memorandýmǵa qol qoıý rásiminde.
Óz kezeginde Qazaqstandaǵy ıÝNISEF ókili ıÝrıı Oksamıtnyı memorandým aıasynda balalardy jastaıynan damytý, úlgili ata-ana bolý, ınklıýzıvti bilim berý máselelerine qoǵam nazaryn aýdarýǵa úmit bildirdi.
Aıta keteıik, BUU Balalar qory (ıÝNISEF) ár balanyń quqyǵyn qorǵaıtyn beıbitshilik qurý isindegi jetekshi uıym bolyp tabylady. Atalǵan qor álemniń 190 elinde qyzmet etedi.