Elbasy QHA qamqorlyǵymen jalpyulttyq «Úlken el - úlken otbasy» aktsııasyn uıymdastyrýdy usyndy

ASTANA. QazAqparat - Bizdiń halqymyzda túrli radıkaldy qaterler men arandatýlarǵa qarsy ımmýnıtet paıda boldy. Búgin Astanada «Máńgilik El: bir el - bir taǵdyr» taqyrybymen ótip jatqan Qazaqstan halqy Assambleıasynyń HHІІ sessııasynda QHA Tóraǵasy, Elbasy Nursultan Nazarbaev osylaı málim etti.

Memleket basshysy Qazaqstan halqy Assambleıasy qoǵamdaǵy ahýaldy árdaıym baıqap otyrýy kerektigin, sondaı-aq tıisti memlekettik organdarmen aldyn alý sharalaryn qabyldaýy kerektigin atap ótti.

«Assambleıa úshin onyń memlekettik ishki saıasatty júzege asyrýǵa qatysýyna, jalpy memlekettik mindetterdiń keshenin sheshýge barsha etnostardy jumyldyrýǵa arnaıy baǵdarma ázirlenýi tıis. Bizge Assambleıa qamqorlyǵymen jalpyulttyq «Úlken el - úlken otbasy» aktsııasyn uıymdastyrý qajet»,-dedi N. Nazarbaev.