Elbasy: Keıbir kúshter etnıkalyq máselelerdi jeke maqsattaryna paıdalanǵysy keledi
«Jaqyn arada biz Parlament Májilisiniń jańa quramyn saılaýǵa kiriseıik dep otyrmyz. Parlamentke eń laıyqty degen adamdar ótý tıis. Sol úshin «Nur Otan» partııasy praımerız ótkizdi. Qatysam degenderdiń barlyǵy qatysty, óz pikirlerin aıtty. Ol pikirler jınaldy. Onyń paıdasy zor bolady dep sanaımyn. Alaıda keıbir kúshterdiń ara-tura etnıkalyq máselelerdi óz jeke maqsattaryna paıdalaný pıǵyly bar ekendigin de umytpaý kerek. Tsıfrlyq tehnologııalardy teris oıly adamdardyń qoǵam múddesine qarsy qoldanýy da jıilep bara jatqany da ras», - dedi QR Tuńǵysh Prezıdenti.
Osy rette Elbasy Qazaqstan halqy Assambleıasy men ókiletti organdar eń aldymen til jáne aqparat salasyna qatysty máselelerde etnosaralyq qatynastardy saıasatqa aınaldyrmaý jaǵyna kóńil bólý kerektigin basa aıtty.
«Assambleıanyń aqparattyq ıdeologııalyq jumysyna toleranttylyq sezimin kúsheıtýge, jastar arasyndaǵy áleýmettik jelidegi ksenofobııaǵa qarsy kúreske erekshe mán bergen jón dep sanaımyn», - dedi Nursultan Nazarbaev.