Elbasy: Qazaqstannyń táýelsizdigi turaqty uǵym, al ony saqtaý- árbir azamattyń qasıetti boryshy

ASTANA. QazAqparat - Búgin Memleket basshysy Nursultan Nazarbaev Astana qalasy aktıvimen kezdesý barysynda Qazaqstannyń táýelsizdigi turaqty uǵym bolyp sanalatynyna, al ony saqtaý árbir azamattyń qasıetti boryshy ekendigine nazar aýdardy.

«Kezinde amerıkalyq úndisterdiń kópshiligi túrli basqynshylar arqyly óz jerlerinen qýyldy nemese joıyldy. Tegi úndis bir kınorejısserge «baılyq baqyt bolyp sanala ma?» dep suraq qoıylady. Buǵan ol: «Ózimde jáne ózgelerde bar búkil baılyqty men halqymnyń bir kúndik táýelsizdigine berer edim», - dep jaýap qatypty. Sondyqtan bizdiń barshamyzǵa táýelsizdigimizdi baǵalaǵan jón», - dedi Qazaqstan Prezıdenti.