Elbasy Qazaqstannyń qandaı qıyndyqtardy bastan keshirgenin aıtty

ALMATY. QazAqparat - Búgin Almatyda QR Tuńǵysh Prezıdenti Nursultan Nazarbaevtyń saıası kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasy ótip jatyr. Jıynda sóz sóılegen QR Tuńǵysh Prezıdenti Nursultan Nazarbaev táýelsizdiktiń alǵashqy jyldaryndaǵy qıyndyqtardy atady, dep habarlaıdy QazAqparat tilshisi.

«1990 jyldary men jáne Qazaqstan qandaı synaqtarmen betpe-bet keldi? Birinshiden, ekonomıkanyń toqyraýy. Ekonomıkalyq baılanystardyń úzilýi, gıperınflıatsııa, bıýdjettik tapshylyq boldy. Halyqtyń tabysy tómendedi, jappaı jumyssyzdyq oryn aldy. Qazaqstandaǵy 130 kásiporyn óz jumysyn toqtatty», - dedi Nursultan Nazarbaev.

Onyń aıtýynsha, 90-jyldary JІÓ 60 paıyzǵa tómendep, ónerkásip 28 paıyzǵa qysqardy.

«Bizge qysqa ýaqyt ishinde is-áreket josparyn qurýǵa týra keldi. Naryqtyq ekonomıkany qura bastadyq. Qazaqstan tez ári tıimdi reforma júrgizdi degen paıymdy jıi estidik. Biz óte úlken jumys atqardyq», - dedi N.Nazarbaev.

Eske sala keteıik, búgin Almatyda QR Tuńǵysh Prezıdenti Nursultan Nazarbaevtyń saıası kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasynda sóz sóılegen QR Tuńǵysh Prezıdenti Nursultan Nazarbaev óziniń KSRO Úkimetin basqarý týraly usynystan qalaı bas tartqanyn aıtty.