Elbasy Qazaqstannyń beıbitshilik tájirıbesin bútin álemge paıdalanýdy usyndy

NUR-SULTAN. QazAqparat – QR Tuńǵysh Prezıdenti Nursultan Nazarbaev álem qaýymdastyǵyn Qazaqstannyń beıbitshilik tájirıbesin búkil álemge paıdalanýǵa shaqyrdy, dep habarlaıdy QazAqparat tilshisi.

«Qazaqstan beıbitsúıgishtik ındeksi boıynsha álemniń 163 memleketiniń ishinde 64-oryn ıelendi. TMD elderiniń arasynda birinshi orynda tur. Sondaı-aq, ıadrolyq qarýdan azat el bolýǵa degen umtylys qazaqstandyqtardyń jalpyulttyq sana-seziminde mańyzdy komponentke aınaldy. Qurmetti, dostar, 1991 jyly men tańdaǵan tarıhı sheshim jas memlekettiń kúsh-qýaty ıadrolyq tegeýringe baılanbaıtynyn kórsetti. Biz ózimizdiń naqty mysalymyzben ilgerileý men gúldenýge beıbit jolmen de jyljýǵa bolatynyn dáleldedi», - dedi ol búgin elordada ótken «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásiminde.

N.Nazarbaev atap ótkendeı, qazirgi tańda Qazaqstan halyqaralyq qaýipsizdik pen turaqtylyqtyń moıyndalǵan donory bolyp sanalady.

«Bul jaıt, maǵan jahan qaýymdastyǵyn bizdiń úlgimizdi jalǵap, qazaqstandyq tájirıbeni búkil álemde paıdalanýǵa shaqyrýǵa moraldyq quqyq beredi dep oılaımyn», - dedi Elbasy.