Elbasy qazaqstandyqtardy Prezıdenttiń aınalasyna toptasýǵa shaqyrady

NUR-SULTAN. qazAqparat - Elbasy barshany qazirgi syn-qaterlerdi eńserý jáne elimizdiń tutastyǵyn qamtamasyz etý úshin Qazaqstan Prezıdentiniń aınalasyna toptasýǵa shaqyrady, dep habarlaıdy QazAqparat.

«Elbasy Qazaqstan astanasynda, Nur-Sultan qalasynda. Qasaqana jalǵan jáne ekiushty aqparat taratpaýdy suraımyz. Elbasy birneshe konsýltatıvti kezdesýler ótkizip jatyr jáne Qazaqstan Prezıdenti Qasym-Jomart Toqaevpen tikeleı baılanysta», - dep jazdy Aıdos Úkibaı Tvıtter paraqshasynda. Sonymen birge N. Nazarbaev Qazaqstanmen dos memleketterdiń basshylarymen telefon arqyly sóılesken. «Elbasy qazirgi syn-qaterlerdi eńserip, elimizdiń tutastyǵyn qamtamasyz etý úshin barlyǵyn Qazaqstan Prezıdenti mańynda jumylýǵa shaqyrady», - deıdi A. Úkibaı.