Elbasy Qazaqstan men Reseı óńiraralyq forýmynyń plenarlyq otyrysyna qatysty
Jıyn aldynda Nursultan Nazarbaev osy sharany uıymdastyrǵany jáne qonaqjaılylyq tanytqany úshin reseılik áriptesterine rızashylyq bildirdi.
«Eń birinshi kezekte osy kezdesýdi uıymdastyrýshylarǵa alǵysymdy bildirgim keledi. Men Chelıabınsk qalasyn jas kezimnen beri bilemin. Metallýrg retinde qaladaǵy iri óndiristik kásiporyndarda jumys istep, tájirıbe jınadym. Bul ónerkásiptiń iri ortalyǵy», - dedi Memleket basshysy.
Elbasy óńiraralyq forýmdardy jyl saıyn ótkizý Qazaqstan men Reseı qarym-qatynastarynyń ajyramas jáne mańyzdy bóligine aınalǵanyn atap ótti.
«Búgin eki el arasyndaǵy HІV óńiraralyq yntymaqtastyq forýmyn ótkizip jatyrmyz. Bul bizdiń qarym-qatynastarymyzdyń ajyramas, mańyzdy bóligine aınaldy. Óńirlerimiz bir-birine jaqyndaı tústi. Óńirler basshylarynyń kezdesýleri ótýde, ártúrli ekonomıkalyq jáne mádenı sharalar uıymdastyrylýda. Olar Reseı men Qazaqstan arasyndaǵy HHI ǵasyrǵa baǵdarlanǵan dostyq pen yqpaldastyq týraly negizgi Kelisimdi naqty mazmunmen tolyqtyrýda. Adamı kapıtaldy damytýǵa arnalǵan forýmymyz naqty osy jerde, Chelıabınskide ótip jatqany tegin emes. 2005 jyly osy jerde, ekinshi forým barysynda sharany jyl saıyn ótkizý týraly kelisken bolatynbyz», - dedi Prezıdent.