Elbasy Qazaqstan-Eýropa bıznes forýmy aıasynda birqatar kezdesýler ótkizdi

ASTANA. QazAqparat - Nursultan Nazarbaev Halyqaralyq saýda ortalyqtary qaýymdastyǵy (WTCA) basqarma tóraǵasynyń orynbasary Rolf Draakpen jáne «Nest Investments HOLDINGS» kompanııalar tobynyń korporatıvtik qyzmetter jónindegi dırektory Mehran Efteharmen kezdesti, dep habarlaıdy Aqordanyń baspasóz qyzmeti.

Kezdesý barysynda taraptar Qaýymdastyq pen «Astana» halyqaralyq qarjy ortalyǵy arasyndaǵy yntymaqtastyqtyń perspektıvaly baǵyttaryn, sonyń ishinde Qazaqstanǵa álemniń iri korporatsııalary men qarjy ınstıtýttaryn tartý, elimizdiń halyqaralyq iskerlik belsendilik ortalyǵy retindegi rólin arttyrý, sondaı-aq «EKSPO-2017» kórmesiniń ǵımarattar keshenin kórmeden keıingi kezeńde paıdalaný máselelerin talqylady.

Halyqaralyq saýda ortalyqtarynyń qaýymdastyǵy (WTCA) - jahandyq saýda men ınvestıtsııany damytýǵa yqpal etetin halyqaralyq saıası emes uıym. Dúnıejúzilik saýda ortalyqtary ózara bir jeli arqyly baılanysqan jáne onda dástúrge saı «Eni», «Lýkoıl», «Panasonic», «J.P. Morgan», «Bank of New York» jáne álemniń basqa da iri korporatsııalarynyń ofısteri ornalasqan.

Kezdesý Brıýssel qalasynda Qazaqstan - Eýropa bıznes-forýmy alańynda ótti.