Elbasy «Qara maıordyń» qaıtys bolýyna baılanysty kóńil aıtty
19:11, 13 Aqpan 2019
ASTANA. QazAqparat - Elbasy Parlament Májilisiniń depýtaty Baqytbek Smaǵuldy qabyldady, dep habarlaıdy Aqorda.
Memleket basshysy keńes áskerleriniń Aýǵanstannan shyǵarylǵanyna 30 jyl tolý qarsańynda ótkizilgen bul kezdesýdiń sımvoldyq máni bar ekenin atap ótip, osy eldegi áskerı is-qımyldarǵa qatysqan azamattar men ardagerlerdi aıtýly kúnmen quttyqtady.
Sondaı-aq, Elbasy aýǵan soǵysynyń ardageri, Qazaqstan Respýblıkasy Qarýly Kúshteriniń polkovnıgi Borıs Kerimbaevtyń qaıtys bolýyna baılanysty onyń týǵan-týysqandaryna kóńil aıtty.
Baqytbek Smaǵul Nursultan Nazarbaevqa «Qazaqstan ardagerleri» Aýǵanstandaǵy soǵys ardagerleri uıymdarynyń qaýymdastyǵy tarapynan atqarylǵan jumystar men keńes áskerleriniń Aýǵanstannan shyǵarylǵanyna 30 jyl tolýyna oraı ótkizilip jatqan is-sharalar týraly málimdedi.