Elbasy: Qalaǵa kóshti toqtatý múmkin emes – biraq aýylǵa da jaǵdaı jasaý kerek

NUR-SULTAN. QazAqparat – Aýyldarda jumys oryndary ashylyp, jaǵdaı jasalsa – halyq aýylda qalary anyq. «Aýyl – el besigi» jobasy jaıly QR Tuńǵysh Prezıdenti – Elbasy Nursultan Nazarbaev osylaı dedi, dep habarlaıdy QazAqparat tilshisi.

«Ózderińiz biletindeı, men «Aýyl – el besigi» jobasyn ázirleýdi tapsyrdym. Tájirıbe júzinde bul joba áleýmettik ınfraqurylym jasaýmen ǵana shekteldi de, sonymen qaldy... Bul – mańyzdy másele, biraq jobanyń basty maqsaty – aýyl jastary úshin jumys oryndaryn ashý, olardy aýyldarda turaqtatý. Aýylda erteń kim jumys isteıdi? Úkimet osy máselelermen aınalysyp, tıisti sharalardy qolǵa alý kerek. Qazir ýrbanızatsııa júrip jatyr. Qalaǵa kóshti toqtatý múmkin emes. Eger de aýyldarda naqty jumys oryndary ashylatyn bolsa, jaǵdaı jasalsa – qalyp jatyr. Keıbir adamdar qaladan aýylǵa qaıta kóshýde», - dedi Elbasy «Nur Otan» partııasy Saıası keńesiniń keńeıtilgen otyrysynda.

Aıta ketsek, elordada QR Tuńǵysh Prezıdenti – ElbasyNursultan Nazarbaevtyń tóraǵalyǵymen «Nur Otan» partııasy Saıası keńesiniń keńeıtilgen otyrysy ótip jatyr.