Elbasy: Іzdegen saıyn tabylyp, ıgergen saıyn kóbeıe beretin bir ǵana qazyna - ındýstrııa men ınnovatsııa
saraıynda Indýstrııalandyrý kúni aıasyndaǵy jıyn barysynda sóz sóılegen Elbasy Nursultan Nazarbaev osylaı málimdedi. Memleket basshysy bul rette ǵylymdy óndirispen ushtastyryp, ınnovatsııaǵa ıe bolýdyń mańyzdylyǵyna toqtaldy. «Sonda ǵana biz maqsatymyzǵa jetetin bolamyz», - dedi N. Nazarbaev.
Sonymen qatar, Elbasy Úkimet ındýstrııalandyrýdyń birinshi besjyldyǵynda barlyq sharalardy atqarǵanyn, alǵysharttar tolyq qalyptasqanyn, Parlament tarapynan zańdar qabyldanǵanyn da jetkizdi.
«Indýstrııalandyrýdyń alǵashqy besjyldyǵynyń nátıjelerin kórip otyrsyzdar. Qanshama myń jumys oryndary ashyldy. Sonyń ishinde ol jumystar qandaı? Máselen, teplovoz jınaıtyn eńbektiń ónimdiligi júz myń dollar bolsa, ketpenmen jumys isteıtinniń ónimdiligi - 5 dollar. Aıyrmashylyq, jalaqysy qandaı? Sondyqtan da, biz jańa el bolamyz, jańa jumys oryndaryn ashamyz degende tek osy baǵytty aıtqan bolatynbyz. Bunymen qosa, shaǵyn jáne orta bıznes ulǵaıatyn bolady», - dedi N. Nazarbaev.