Elbasy ishki saıasat basymdyqtaryn aıqyndaı alatyn erekshe qabiletke ıe - Lıdııa Parhomchık
«Nursultan Nazarbaev memlekettiń básekege qabilettiligi onyń negizgi damý resýrsy – jastardyń talanty jáne shyǵarmashylyǵymen aıqyndalatynyn birneshe márte aıtqan bolatyn. Tek laıyqty kadrlar rezervin qalyptastyrǵan kezde ǵana memlekettiń turaqty damýyna senimdi qaraýǵa bolady. Mundaı oımen kelispeýge bolmaıdy. Elbasynyń ishki saıasattyń basym baǵyttaryn naqty aıqyndaı alatyn erekshe qabiletke ıe ekeni sózsiz. Onyń táýelsiz Qazaqstandy qurýǵa qosqan úlesin baǵalaý qıyn», - deıdi Lıdııa Parhomchık.
Sarapshynyń aıtýynsha, Elbasynyń tulǵalyq aýqymy Qazaqstanǵa aımaq memleketteriniń arasynda aldyńǵy qatarly ekonomıkalyq pozıtsııalarǵa ıe bolýǵa múmkindik berip qoımaı, halyqaralyq arenada joǵary bedelge qol jetkizýge jol ashty.
«Qazaqstannyń Tuńǵysh Prezıdenti - Nursultan Nazarbaev óziniń prezıdenttikten ketý týraly sheshimin jas saıasatkerlerdiń el basqarý isine qatysýǵa múmkindik berý qajettiligimen baılanystyrady. Álemdik geosaıası keńistik jyldam ózgerýde. Bul, oılaý júıesiniń ıkemdi bolýyn jáne júrip jatqan protsesterge joǵary deńgeıde qatysýdy qajet etedi. Kez kelgen memlekettiń saıası júıesi ózgeristerdi qajet etedi», - deıdi sarapshy.
Ol Elbasy «Nur Otan» saıası partııasynyń basshysy retinde uıymnyń jańǵyryp, jasaryp turýy kerek ekenin aıtqan.
«Qazaqstannyń Tuńǵysh Prezıdenti partııalyq ınstıtýttar jumysynyń ádettegideı qalyptasyp qalǵan sharalary ózektiligin tez joǵaltady dep sanaıdy. «Nur Otan» naqty ister partııasynyń mártebesin saqtaý úshin jańa jáne shyǵarmashylyq kózqaras qajet. Qoǵamnyń naqty qajettilikterin naqty túsinýge qabiletti basqarýshylardyń jańa býyny eldiń áleýmettik-ekonomıkalyq damýyn tezdetýi kerek. Jas jáne belsendi kóshbasshylar joǵary basshylyq qatarynda laıyqty oryndaryn alýy tıis«, - deıdi sarapshy.