Elbasy iri jekemenshik kompanııalarda qazaqstandyq qamtýdyń tómendep bara jatqanyna alańdaýshylyq bildirdi
«Biz qazaqstandyq qamtý máselesin der kezinde kóterip, ony qolǵa aldyq. Alaıda, ótken jyldyń ózinde memlekettik organdardyń satyp alý aýqymy kóterilýdiń ornyna, 5 paıyzǵa tómendep ketti. Máselen, mynadaı sandar bar: «TeńizShevroıl» boıynsha qazaqstandyq qamtý 4 paıyzdan astamǵa, «Qashaǵan» jobasynda 2 paıyz, Aqtóbemunaıgaz - 1,4 paıyzǵa tómendegen, tizimdi odan ári jalǵastyrmaı-aq qoıaıyn. Men olardyń jekemenshik bolǵanyna qaramastan osy kompanııalar basshylaryna taǵy da qaıtalap aıtqym keledi, olar el Prezıdentiniń talaby men zańnamadan asyp eshqaıda kete almaıdy. Osy kompanııalarmen jumys jasaıtyn mınıstrler men ákimderdiń de nazaryn osyǵan aýdarǵym keledi», - deıdi Elbasy. Bul rette Prezıdent Úkimettiń atalǵan máselege jiti nazar aýdarýy tıistigin, eger qajet bolsa zańnamaǵa tıis ózgerister engizýi kerektigin atap ótti.
«Eger qajet bolsa, bul máselede zańnamalyq tetikterdi de qarastyramyz», - dedi N. Nazarbaev.