Elbasy halyqpen birge – professor Sataı Syzdyqov

NUR-SULTAN. QazAqparat - Elbasy «Birlese bilgen el bárin jeńedi» atty maqalasynda búgingi tańda el basyna qıynshylyq týǵan sátte bul synaqtan yntymaq pen birliktiń arqasynda súrinbeı óte alatyndyǵymyzǵa senimmen qaraıtyndyǵyn dáleldi oı-pikirlerimen bildirgen, deıdi QHA Ǵylymı-sarapshylyq keńesiniń múshesi, Etnosaralyq qarym-qatynastar jáne QHA toleranttylyǵy ortalyǵynyń dırektory, tarıh ǵalymdarynyń doktory, professor Sataı Syzdyqov.

Elbasynyń elimizdiń qaı qıyn-qystaý kezeńi bolsyn halyqpen birge bolyp, táýelsizdik alǵan jyldardan bastap jas respýblıkanyń tyǵyryqtan jol taýyp, jeńispen ótýine muryndyq bolǵany belgili.

Ata zańǵa súıenip, «Qazaqstan Respýblıkasynyń eń qymbat qazynasy – adam jáne onyń ómiri»-degen Elbasy kezinde ózi erekshe densaýlyq saqtaý salasyn damytýǵa kóńil bólý arqyly salynǵan zamanaýı aýrýhanalar men emhanalar, onda isteıtin maman dárigerler diń bul juqpaly dertti joıýda tolyq múmkindikteri bar ekendigine senimdi.

Eń bastysy bul qaterdi jeńip shyǵýda maqalada el birligi, yntymaǵy, ejelden kele jatqan qazaq eliniń tarıhı dáýirler qoınaýynan shyńdalǵan myqty rýhyna súıenedi. Tarıhymyzdaǵy Tóle bı, Áıteke bı, Abaı danyshpan tulǵalarymyzdyń qanatty sózderin keltire otyryp, qashan da namysyn bermegen, birligi bekem halqymyz el basyna tóngen qater-qaýipten aman-esen shyǵa alatyndyǵyn da atap ótken. Aǵa urpaq pen zııaly qaýym jáne jastarǵa qaǵıdaly sózderin arnaı kele, avtor urpaq pen dástúr sabaqtastyǵy bolǵan jerde ǵana qıyndyqtardy jeńip, ıgilik pen izgilik qatar órken jaıatynyn aıtady.

Maqalada tatý-tátti jáne kelisimde ómir súrip jatqan ortaq shańyraǵymyz Qazaqstan – halqymyz bizdiń baǵa jetpes baılyǵymyz ben artyqshylyǵymyz retinde qandaı da bolsyn jahandyq qaýip-qaterdi jeńip shyǵatynymyzdyń kepili ekendigi kórsetilgen.

Ejelgi túrki babalarymyz «Kúndiz otyrmadym, Túnde uıyqtamadym, Qara terimdi aǵyzdym...» dep aıtqandaı, táýelsiz memlekettiń aıaqtan turyp ketýine aıanbaı ter tókken Elbasy búginde aýyrtpashylyqty halqymen birge kóterip, Máńgilik eldiń qaýipsizdigin qorǵaýda belin bekem býyp sapqa turǵanyn elge jetkizip otyr.