Elbasy halyqaralyq jeńimpazdar forýmyna qatysýshylarǵa quttyqtaý joldady
Quttyqtaýdy forým barysynda QR Mádenıet jáne sport mınıstri Arystanbek Muhamedıuly oqyp berdi, dep habarlaıdy QazAqparat.
«Birlikpen jetken Uly Jeńis: maıdan erligi tyl beriktigi» atty VII halyqaralyq jeńimpazdar forýmyna qosh keldińizder. Bıyl jeńimpazdar forýmy qonaqjaı Qazaqstan jerinde elimizdiń júregi Astanada ótýde. Naq osy qazaqstandyqtardyń aǵa býyny barsha halyq sııaqty Uly Jeńistiń irgesin qalaǵan kúshke aınala bildi. Qazirgi jastardyń sol úshin ardagerlerge sheksiz rıza ekenine senimdimin», - dep atap ótedi Elbasy óz quttyqtaýyna.
QR Prezıdenti forým az ýaqyttyń ishinde bedeldi dıalog alańyna aınalǵanyn, birqatar mańyzdy bastamany júzege asyryp kele jatqandyǵyn atap ótken.
«Bul TMD memleketteriniń qyzyǵýshylyqpen qatysýynyń, sarapshylar men ǵylymı qoǵamdastyq, ardagerler men jastar uıymdary, BAQ pen memlekettik organdar ókilderiniń belsendi yntymaqtastyǵynyń arqasynda múmkin bolyp otyr. Ortaq tarıhı estelikterdi saqtaýdyń ózekti máselelerin talqylaý, Ekinshi dúnıejúzilik soǵys týraly ádil tarıhı bilimdi dáripteý, onyń oqıǵalaryn burmalaý áreketterine qarsy is-qımyl jasaý forýmnyń mańyzdy taqyryptary bolyp tabylady. Onyń qorytyndylary ıntegratsııalyq protsesterdi odan ary jandandyrýǵa, TMD keńistiginde dostyq pen ózara túsinistikti nyǵaıtýǵa septigin tıgizetindigine senimdimin», - dedi Nursultan Nazarbaev.