Elbasy: Etnıkalyq qaqtyǵystar eń qýatty degen memleketterdi de quldyratady

NUR-SULTAN. QazAqparat - Etnıkalyq qaqtyǵystar eń qýatty degen memleketterdi quldyratýǵa alyp keledi. Bul týraly Qazaqstan halqy Assambleıasynyń XXVII sessııasynda QR Tuńǵysh Prezıdenti - Elbasy, QHA Tóraǵasy Nursultan Nazarbaev málim etti, dep habarlaıdy QazAqparat tilshisi.

«Taldaý málimetterine qaraǵanda, etnıkalyq qaqtyǵystar eń qýatty degen memleketterdiń ózin quldyraýǵa alyp keledi. Bir kezderi ulttyq, dinı saıasattaǵy qatelikter aýyr tarıhı dramaǵa sebep bolady. Memleket bola almaǵan elderdiń ókinishti tájirıbesi kezinde sol jerdegi adamdar birlikti, kelisimdi jáne ózara túsinistikti saqtaı almaǵanyn kórsetedi», - dedi N. Nazarbaev.

Elbasy qazirgi álem óte qubylmaly ári názik bola túskenin atap ótti.

«Kún saıyn jaqsy ómir jolynda birneshe ondaǵan myń adam óz úılerin tastap ketip jatyr. Ótken aılarda kóshi-qon jaǵdaıyna baqylaý júrgizgen edik. Búginde jerde mıgranttar sany 250 mıllıonnan adamnan asyp tústi, onyń ishinde 70 mıllıonǵa jýyǵy bosqyndar. Olar úılerin tastap, balalarymen qaıǵynyń aşy támin tatyp, belgisiz elderdi sharlap júr. Aýqymdy mıgratsııalyq tolqyndar áleýmettik-saıası balansty, kóptegen elderdegi turmys saltyn kúrt ózgertýde», - dedi Tuńǵysh Prezıdent.