Elbasy Erık Gýkasovtyń qaıtys bolýyna baılanysty kóńil aıtý jedelhatyn joldady

NUR-SULTAN. QazAqparat - Elbasy Qazaq KSR Mınıstrler Keńesi tóraǵasynyń burynǵy orynbasary Erık Gýkasovtyń qaıtys bolýyna baılanysty kóńil aıtý jedelhatyn joldady. Bul týraly elbasy.kz saıty habarlaıdy.

Qazaqstannyń Tuńǵysh Prezıdenti memleket jáne qoǵam qaıratkeri, Sotsıalıstik Eńbek Eri Erık Hrıstoforuly Gýkasovtyń qaıtys bolǵany týraly sýyt habardy kúızelispen qabyldady.

«Erık Hrıstoforuly maǵynaly ǵumyr keship, prorabtan Qazaq KSR Mınıstrler Keńesi tóraǵasynyń orynbasarlyǵyna deıingi eńbek jolynda jemisti qyzmet atqardy. Ol respýblıkanyń áleýmettik-ekonomıkalyq damýyna zor úles qosty, joǵary memlekettik nagradalarmen jáne ataqtarmen marapattaldy. Erık Hrıstoforuly joǵary kásibı biliktiligimen, óz isine degen adaldyǵymen, adamı qasıetterimen jáne berik ómirlik ustanymdarymen erekshelendi», - delingen jedelhatta.