Elbasy eńbekaqy tólemegen kásiporyn basshylaryn jazalaýdy tapsyrdy

ASTANA. QazAqparat - Elbasy Nursultan Nazarbaev eńbek shartyn buzǵan jumys berýshilerdi zań boıynsha jazalaýdy talap etti, dep habarlaıdy QazAqparat.

«El prokýratýrasy jumysshylardyń eńbek quqyǵyn buzýdyń 37 myńnan astam oqıǵasyn anyqtady. Bul turǵyda eńbekaqy boıynsha qaryz, eńbek qaýipsizdigin buzý, jalaqyny durys eseptemeý, zııandy jaǵdaıdaǵy jumys ishin ústeme tólemeý, shetel kásiporyndarynda bizdiń azamattardyń quqyǵyn kemsitý sekildi máseleler baıqalǵan. Osynyń barlyǵy nemquraılylyq pen tártipsizdiktiń saldarynan bolyp jatyr, buǵan jol bermeý kerek», - dedi Memleket basshysy Úkimettiń keńeıtilgen otyrysynda.

Bul turǵyda Prezıdent ákimder men prokýratýradan atalǵan máseleni baqylaýda ustaýdy talap etti.

«Qaıda qarap otyrsyzdar? Osyndaı zańsyzdyqtarǵa jol bermeý kerek. Olar shartty bekitti, sondyqtan mindetti tólemderin júrgizýi tıis. Jumysshylardy qorǵaýǵa mán berý qajet. Sondyqtan osy máseleni qatań baqylaýda ustap, zań boıynsha jazalaý kerek», - dedi Elbasy Bas prokýror Qaırat Qojamjarovqa qarata aıtqan sózinde.