Elbasy Eńbek jáne halyqty áleýmettik qorǵaý mınıstrligi men ákimdikterdiń «Jumyspen qamtý-2020» baǵdarlamasyn júzege asyrýdaǵy kemshilikterin atady
Memleket basshysynyń paıymynsha, Eńbek jáne halyqty áleýmettik qorǵaý mınıstrligi «Jumyspen qamtý-2020» baǵdarlamasynyń júzege asyrylýyn jiti qadaǵalaýy tıis. Bul baǵdarlama halyqty shynaıy jumyspen qamtý máselesin túbegeıli sheshýi qajet.
«Máselen, tek ótken jyly ǵana ońtústik oblystarǵa 9 mlrd. teńge, al aǵymdaǵy jyly shamamen 2,5 ese artyq qarjy bólindi. Degenmen jumysqa ornalasqandar eki-aq paıyz nemese 25 myń adam, jalpy elimiz boıynsha 60 myń adam. Respýblıkada barlyǵy 40 myń adam oqytyldy. Al jumysqa ornasqandary olardyń jartysy ǵana. ıAǵnı biz olardy oqytamyz, úmitterin oıatamyz, al odan keıin jumys bermeımiz», - dedi N.Nazarbaev.
Osy oraıda Elbasy mınıstrlik pen ákimdikterdiń qyzmetin qatań synǵa aldy. «Jergilikti jerlerde eshqandaı baqylaý joq. Mınıstrlik pen ákimdikter tarabynan tolyq bassyzdyq oryn alýda. Nazarlaryńyzdy aýdaramyn ári Prezıdent apparatyna osy eki pýnkttiń qalaı oryndalyp jatqandyǵy týraly baıandap turýdy baqylaýdy júkteımin. Óıtkeni olar qarapaıym adamdarǵa asa qajetti», - dedi Memleket basshysy.