Elbasy ekologııany lastaıtyn ınvestorlardy jaýapqa tartýdan qoryqpaýǵa shaqyrdy

ASTANA. QazAqparat - Qazaqstanda ekologııalyq jaǵdaıdy jaqsartý jumystaryn kúsheıtý kerek. Mundaı tapsyrmany Memleket basshysy Nursultan Nazarbaev halyqqa arnalǵan Joldaýynda júktedi, dep habarlaıdy QazAqparat tilshisi.

Atap aıtqanda, Prezıdent onlaın túrde qoljetimdi ekologııalyq monıtorıng júıesin qurýdy tapsyrdy.

«Ekologııa boıynsha bizde Energetıka mınıstrligi jaýap beredi. Olardyń qadaǵalaýy óte álsiz. Qorshaǵan ortany lastaǵandarǵa zań júzinde talapty kúsheıtý kerek. Aldyńǵy kúni Eýroparlament Eýroodaqta zııandy zattardy bólý 40 protsentke azaıatynyn aıtty. Al, biz qaıda qarap otyrmyz. Qorshaǵan ortany lastaǵan adamdarǵa aıyppuldy kóbeıtý qajet. Qoryqpaý kerek. Bizdiń ınvestorlar óz otanynda tyrp ete almaıdy, bizge keledi de emin-erkin lastaýǵa kóshedi. Jumys istep otyrǵan memleketti syılaý kerek», - dedi Prezıdent.

Eske sala keteıik, «QazAqparat» halyqaralyq aqparat agenttigi Nursultan Nazarbaevtyń Qazaqstan halqyna Joldaýynyń mátindik translıatsııasyn taratty.