Elbasy dinaralyq qaıshylyqtar týrasynda: Budan eshkim saqtandyrylmaǵan
16:03, 29 Sáýir 2019
NUR-SULTAN. QazAqparat - Álemdegi tragedııalyq sabaqtardy umytpaý kerek. Bul týraly Qazaqstan halqy Assambleıasynyń XXVII sessııasynda QR Tuńǵysh Prezıdenti - Elbasy, QHA Tóraǵasy Nursultan Nazarbaev málim etti, dep habarlaıdy
«Ókinishke qaraı, ózgerister men jetistikter dáýiri burynǵyǵa qaraǵanda álemdi qaýipsiz ete almady. Búginde ǵalamsharda 40-qa jýyq qaqtyǵys oty byqsyǵan oshaq tirkelgen. Oǵan álem memleketteriniń úsh ondyǵy tartylǵan. Olardyń kóbiniń sebebi ishki etnıkaaralyq, dinaralyq qaıshylyqtarǵa qatysty bolyp otyr. Osydan eshkim de saqtandyrylmaǵanyn baıqaýdamyz», - dedi N. Nazarbaev.
Bul turǵyda Elbasy osy tragedııalyq sabaqtardy elemeı júrý múmkin emestigin, elimiz mundaı keleńsizdikterge jol bermeýi kerektigin atap ótti. Osyǵan egemen memleket ári biryńǵaı azamattyq qoǵam retinde halyqtyń bolashaǵy tikeleı baılanysty ekenin tilge tıek etti.