Elbasy Chelıabınskidegi forýmda adam kapıtalynyń mańyzdylyǵy týraly aıtty

ChELıABINSK. QazAqparat - Adam kapıtaly qarqyndy damyp kele jatqan tehnologııalar jaǵdaılarynda asa mańyzǵa ıe. Bul týraly Memleket basshysy Nursultan Nazarbaev Qazaqstan men Reseıdiń HІV óńiraralyq yntymaqtastyǵy forýmy barysynda aıtty, dep habarlaıdy QazAqparat tilshisi.

«Sarapshy mamandardyń boljamyna qaraǵanda, 2030 jylǵa deıin túrli salalardaǵy mamandyqtardyń shamamen 60% joıylady, sonymen birge 180-nen astam jańa kásip túri paıda bolady. Adamı damýy týraly baıandamaǵa sáıkes, taıaý bes jyl ishinde eńbek qyzmetteri úshin qajet bolatyn bilim, daǵdylardyń úshten bir bóligi ózgeriske ushyraıdy. Bul biz úshin úlken syn. Ony sheshý yntymaqtastyǵymyzdyń birden-bir mańyzdy basymdylyǵy bolýǵa tıis»,- dep atap ótti Memleket basshysy.

«Qazaqstan «Úshinshi jańǵyrý» baǵdarlamasy boıynsha jumys jasap jatyr. Onda adamı kapıtal sapasyn joǵarlatý,  adamdardyń áleýmettik jaǵdaıyn jaqsartý mindetteri qoıyldy.  Atalǵan baǵdarlama  Qazaqstannyń 2050 jylǵa qaraı damyǵan 30 eldiń qataryna kirý múmkindikterin qamtamasyz etedi», - dedi QR Prezıdenti.