Elbasy birinshi toqsannan bastap oblys ákimderiniń jumysyna reıtıngtik baqylaý engizýdi tapsyrdy
dep habarlaıdy QazAqparat.
«Búginde kóp dúnıe ákimderdiń, ásirese qalalar men aýdandardyń ákimderiniń jumysyna baılanysty. Sondyqtan da olarǵa qoıylatyn talap kúsheıtilýi tıis. Prezıdent Ákimshiligine aǵymdaǵy jyldyń birinshi toqsanynan bastap ındýstrııalyq jobalar boıynsha árbir ákimniń jumysyna reıtıngtik baqylaýdy engizýdi tapsyramyn. Kim qalaı jumys istep jatqanyn bilý qajet. Baǵdarlama aıasynda jobalardy júzege asyrýǵa bólingen qarjynyń tıimdi paıdalanylýyna qatań baqylaýdy qamtamasyz etý qajet», dedi keńeste N. Nazarbaev.
Elbasy Qazaqstan ekonomıkany ındýstrııalandyrýǵa bet burǵan qazirgi ýaqytta ákimderdiń róli ózgerip jatqanyn aıta kele: «Bizdiń jumysymyzdaǵy basty basymdyq - eńbek ónimdiligin ulǵaıtý, shıkizattyq emes sektorǵa ınvestıtsııa tartý, osy sektordyń eksportyn arttyrý, ınnovatsııalyq turǵydan belsendi kásiporyndardyń qataryn kóbeıtý, jumys oryndaryn qurý», dedi.