Elbasy: Biregeıligimiz - ulttyq kodymyz

NUR-SULTAN. QazAqparat - Biregeıligimiz - ulttyq kodymyz. Bul týraly búgin Qazaqstan halqy Assambleıasy keńesiniń otyrysynda QR Tuńǵysh Prezıdenti - Elbasy, QHA tóraǵasy Nursultan Nazarbaev aıtty, dep habarlaıdy QazAqparat tilshisi.

«Rýhanı jańǵyrý» baǵdarlamasynyń jetistikteriniń biri «Týǵan jer» jobasy aıasynda 12 myń metsenat ózderiniń kishi otandaryna 270 mlrd teńgeniń ınvestıtsııasyn saldy. Elimizdiń barlyq óńirlerinde 4,7 myń áleýmettik-mádenı nysan jańartyldy. Biz eldiń áleýmettik jáne mádenı ortasyn ózgertýdemiz», - dedi Elbasy.

Sonymen qatar QR Tuńǵysh Prezıdenti el azamattary qıyn sátterde de uıymshyldyq tanytyp, bir-birine qoldaý kórsetip kele jatqandyǵyn basa aıtty.

«Máselen, Arystaǵy, Túrkistan oblysynyń Maqtaaral aýdanyndaǵy oqıǵalar kezinde eldi mekender qırap, kóptegen adam baspanasyz qaldy. Sol kezde ádettegideı búkil Qazaqstan jumyldy jáne jańa eldi meken men jańa qala saldy. Buǵan deıin de Almaty oblysyndaǵy sý tasqynynan, Shyǵys Qazaqstandaǵy jer silkinisinen soń osylaı bolǵan edi. Koronavırýs ınfektsııasy indeti jaǵdaıynda Assambleıa az qamtylǵan otbasylarǵa, dárigerlerge, mektep oqýshylary men olardyń otbasylaryna kómek kórsetti. Osylaısha, barlyq qazaqstandyq óz problemasymen jalǵyz qalyp qoımaıtyndyǵyn biledi. Eger problema týyndasy bizdiń barlyǵymyz kómekke kelemiz. Bizdiń ár azamatymyz úshin myqty, jaýapkershiligi zor memleket bar jáne Assambleıada bul máselede sońǵy orynda emes. Joǵaryda aıtylǵandardyń bári toptasa kele bizdiń biregeıligimizdiń negizgin quraıdy. Biregeıligimiz - ulttyq kodymyz», - dedi Elbasy.