Elbasy: Bilimdi jastardyń arqasynda ǵana keleshegimiz baıandy bolady
«Árbir 10 nemese 20 jylda zymyrap zaman ózgerip bara jatyr. Ásirese ǵylym men tehnologııaǵa baılanysty. Qazirgi alǵan bilimiń 10 jyldan keıin kerek bola ma, bolmaı ma?! Ýnıversıtet bitirgen jastardyń mamandyǵy 10 jyldan keıin kerek pe, kerek emes pe? Qazirgi saraptama boıynsha árbir 10 jylda mamandyq ózgerip turady. Qazirgi mamandyqtar joq bolady. Ornyna jańalary keledi. Ne isteý kerek? Soǵan beıimdelýimiz kerek. Jastar beıim bolýy úshin eń negizgi bilimge oryn berý kerek», - dedi Nursultan Nazarbaev.
Elbasynyń aıtýynsha, jastar úshin alda bir jaǵynan qıynshylyqtar, ekinshi jaǵynan ǵajaıyp jańa ómir kele jatyr.
«Basqasyn qoıyp osyny oılaý kerek. Ol ár jastyń ózine de, eline de kerek. Osy 30 jyldyń ishinde qazir 30-ǵa kelgender basqa qazaqtar, basqa jurt, basqa qazaqstandyqtar. Uqsamaıdy bizge. Nege men olardy shetelde oqyttym? Nege myna jerde Nazarbaev Ýnıversıtetin saldym. Daryndy jastar úshin mektepterdi ashtym. Solardyń ishinen shyǵyp, el bastaıtyn talantty, bilimdi jastar kóbirek bolsa, keleshegimiz baıandy bolady», - dedi Elbasy.