Elbasy belgili qaıratkeri Manýra Ahmetovanyń jaqyndaryna kóńil aıtty

NUR-SULTAN. QazAqparat - Nursultan Nazarbaev belgili memleket jáne qoǵam qaıratkeri Manýra Ahmetovanyń qaıtys bolýyna baılanysty onyń otbasy men týǵan-týystaryna kóńil aıtý jedelhatyn joldady, dep habarlaıdy QazAqparat elbasy.kz-ke silteme jasap.

Qazaqstannyń Tuńǵysh Prezıdenti Manýra Ahmetovanyń dúnıeden ótýine baılanysty aýyr qaıǵyǵa ortaqtasyp, kóńil aıtty.

«Manýra Merǵalıqyzy óziniń erekshe talaby men maqsatkerligi, qarymdy qabileti men qajyrly eńbegi arqyly kezinde qazaq áıelderi arasynan mınıstrlik laýazymǵa deıin kóterilgen, Qazaq KSR Mınıstrler Keńesi tóraǵasynyń orynbasary qyzmetin atqarǵan qaıratker tulǵa bolatyn.

Ol elimizdiń ósip-órkendeýine, ásirese áleýmettik salanyń, mádenıet pen ónerdiń, bilim berý men aǵartý isiniń damýyna kóp eńbek sińirdi», – delingen jedelhatta.

Elbasy Manýra Ahmetovanyń ǵıbratty ǵumyry urpaqqa árdaıym úlgi-ónege bolyp qala beretinine senim bildirdi.