Elbasy belgili ǵalym Isa Baıtýlınniń otbasy men týǵan-týystaryna kóńil aıtty

NUR-SULTAN. QazAqparat - Elbasy Isa Baıtýlınniń qaıtys bolýyna baılanysty marqumnyń otbasy men týǵan-týystaryna kóńil aıtý jedelhatyn joldady, dep habarlaıdy Tuńǵysh Prezıdenttiń baspasóz qyzmeti.

Qazaqstannyń Tuńǵysh Prezıdenti belgili ǵalym, bıologııa ǵylymdarynyń doktory, Ulttyq ǵylym akademııasynyń akademıgi Isa Baıtýlınniń ómirden ótýine baılanysty aýyr qaıǵyǵa ortaqtasyp, kóńil aıtty.

«Isa Omaruly sanaly ǵumyryn ǵylym jolyna arnap, otandyq botanıka salasynyń damýyna súbeli úles qosty.

Sondaı-aq bilikti ǵylymı mamandar daıarlaý isine de zor eńbek sińirdi.

Ǵalymnyń artynda ózi qabyrǵasyn qalaýǵa atsalysqan irgeli mektep, kóptegen monografııalyq eńbekteri jáne izin jalǵaıtyn talantty shákirtteri qaldy.

Isa Baıtýlınniń ǵıbratty ǵumyry men jarqyn beınesi jurtshylyq jadynda árdaıym saqtalady dep senemin» delingen jedelhatta.