Elbasy «Batyr babalar» memorıaldyq kesheninde boldy

ASTANA. QazAqparat - Memleket basshysy Almaty qalasyna jáne Almaty oblysyna jumys sapary barysynda Qarasaı aýdany Raıymbek aýyldyq okrýginiń aýmaǵynda ornalasqan «Batyr babalar» memorıaldyq keshenine bardy, dep habarlaıdy Aqordanyń baspasóz qyzmeti.

Nursultan Nazarbaev memorıaldyq keshendegi Qazaqstannyń saq mádenıetinen bastap Alashorda úkimetiniń qurylýyna deıingi tarıhyn beıneleıtin ekspozıtsııalarmen tanysty. Memorıaldyń ortalyq bóligi qazaqtyń batyrlaryna arnalǵan.

Sonymen qatar, Elbasyǵa el táýelsizdigi jolyndaǵy kúreste tanymal bolǵan belgili tarıhı qaıratkerler - handar, bıler jáne batyrlar sýretteriniń galereıasy kórsetildi.

Memleket basshysy Qarasaı aýdanynyń jurtshylyq ókilderimen kezdesti. Onda óńirdiń áleýmettik-ekonomıkalyq máseleleri men Almaty oblysynyń damý perspektıvalary talqylandy.