Elbasy: Azamattyq qoǵam qurylǵanda ózge ult ókili de Prezıdent bolyp saılana alady

ASTANA. QazAqparat - Azamattyq qoǵam qurylǵanda ózge ulttyń ókiliniń de Prezıdent bolyp saılanýǵa múmkindigi bolady. Bul jaıynda búgin respýblıkalyq basylymdarda jarııalanǵan QR Prezıdenti Nursultan Nazarbaevtyń Qazaqstan halqyna arnalǵan Joldaýynda aıtylǵan, dep habarlaıdy QazAqparat.

«Orys tilin bilý mańyzdy bolyp qala beredi. 2016 jyldan beri jańartylǵan baǵdarlama boıynsha orys tili qazaq mektepterinde 1-synyptan bastap oqytylyp keledi. 2019 jyldan 10-11-synyptardaǵy jaratylystaný ǵylymynyń jekelegen pánderin oqytýdy aǵylshyn tiline kóshirý bastalatyn bolady», - dedi Nursultan Nazarbaev Qazaqstan halqyna arnalǵan Joldaýynda.

Nátıjesinde, Memleket basshysynyń paıymynsha,  bizdiń barlyq túlekterimiz elimizde jáne jahandyq álemde ómir súrip, jumys isteýi úshin qajetti deńgeıde úsh tildi meńgeretin bolady.

«Sonda ǵana naǵyz azamattyq qoǵam qurylady. Kez kelgen etnıkalyq toptyń ókili kez kelgen jumysty tańdaı alady, tipti Prezıdent bolyp saılanýǵa da múmkindigi bolady. Qazaqstandyqtar birtutas ultqa aınalady», - dedi Nursultan Nazarbaev.