Elbasy Astanada Jastar saraıyn salýdy usyndy
14:31, 16 Qarasha 2012
ASTANA. 16 qarasha. QazAqparat - Búgin elordadaǵy «Saryarqa» velotreginde ótken «Jas Otan» jastar qanatynyń ІІ sezinde Elbasy Nursultan Nazarbaev Astana qalasynda Jastar saraıyn salý usynysyn jasady.
«Búgin men «Jas Otan» sezi delegattarynyń nazaryn ózimniń taǵy bir armanymdy júzege asyrýǵa qoldaý bildirýge aýdartqym keledi. Men Astanada Jastar saraıyn salýdy usynamyn. Bizde óte jaqsy Oqýshylar saraıy bar. Eger sizder qoldaý bildirseńizder, jańa saraı úzdik sáýlet týyndylarynyń birine aınalýy kerek», - dedi Memleket basshysy.