Elbasy Áset Isekeshevti qabyldady
Kezdesý barysynda Nursultan Nazarbaev ulttyq qaýipsizdiktiń ahýalyna baqylaý júrgizýdiń, pandemııa jaǵdaıynda zańdylyqty saqtaý men tártipti qamtamasyz etýdiń mańyzdylyǵyna toqtaldy.
Elbasy karantınniń jeńildeýine baılanysty epıdemıologııalyq qaýipsizdikti qamtamasyz etý qajettigin atap ótti.
«Búginnen bastap karantın sharalaryn jeńildetý týraly sheshim qabyldandy. Alaıda adamdar jaýapkershilikti tolyq sezinýi qajet. Ár adam óz densaýlyǵyn saqtaý kerek», – dedi Qazaqstannyń Tuńǵysh Prezıdenti.
Óz kezeginde Áset Isekeshev Qaýipsizdik Keńesi Apparatynyń yqtımal qaýip-qaterlerdi taldaý jáne aldyn alý boıynsha júrgizip jatqan jumystary týraly baıandady.
«Qaýip-qaterlerge taldaý turaqty túrde júrgiziledi. Ár sala boıynsha monıtorıng jasalyp, olardy sheshý úshin sharalar usynylady. Qazirgi negizgi másele – koronavırýs pandemııasy. Qaýipsizdik Keńesiniń Apparaty Keńestiń sheshimderin eskere otyryp, jaǵdaıǵa baqylaý júrgizedi, birqatar máseleler boıynsha naqty usynystar engizedi. Qylmystyq ahýalǵa keler bolsaq, jalpy respýblıka boıynsha qylmys sany ótken jylmen salystyrǵanda 34 paıyzǵa azaıǵan. Jaǵdaı baqylaýda. Birqatar salalarda qylmystyń tómendeý qarqyny baıqalap otyr», – dedi Qaýipsizdik Keńesiniń hatshysy.