Elbasy ár adamnyń ómirine, densaýlyǵyna jaýapkershilikpen qaraýyn aıtty - Bahrom Mýmınov
Maqalamen tolyqqandy tanysa otyra aýyr indettiń zardaby qabyrǵamyzǵa aıazdaı batyp tursa da ony el bolyp jeńetinimizge senimdiligim arta tústi. Árıne, bul kúnderdiń de ótetini aqıqat qoı. Alaıda, osy derttiń saldarynan qanshama baýyrlarymyz japa shegip jatyr. Qaıta der kezinde atqarylyp jatqan tıisti saqtandyrý sharalarynyń arqasynda álemniń keı elderinen qaraǵanda bizdegi jaǵdaı bir qalypty ekeni belgili,-degen pikir bildiredi Bahrom Mýmınov.
«Búgingi beıbit kún ýysymyzǵa ońaı olja bolyp túspegeni anyq. Qazaqstan qazirgideı birigý men birlesýge negizdelgen saıasatyn uzaq jylǵy eńbek pen Elbasynyń myqty saıasatkerlik qabiletiniń arqasynda qalyptastyrǵan. Sondaı-aq Elbasy maqalasynda Ata zańymyzdyń birinshi babynda «Qazaqstan Respýblıkasynyń eń qymbat qazynasy – adam jáne onyń ómiri» naqty jazylǵanyn tilge tıek etken. Bul neni ańǵartady. Bul qandaı jaǵdaıda da elimiz úshin árbir adamnyń saýlyǵy men salaýatty ómiriniń birinshi orynda turǵanyn ańǵartady. Álemge aýyr batpandaı batyp turǵan indetti tek halqymyzdyń tózimdiligi, erik –jigeri jáne ózine degen zor senimniń arqasynda alyp shyǵatynymyz, ol úshin bizge qajetti qarjy-qarajat, materıaldyq resýrs, tehnıka, azyq – túliktiń jetkilikti ári oǵan abyrjyp, alańdaýdyń esh sebebi joq ekendigi de maqalada erekshe aıtylǵan. Sonymen qatar árbir jan óziniń jáne otbasynyń, ata-anasy men bala-shaǵasynyń ómirine, densaýlyǵyna zor jaýapkershilik qaraý kerektigi atap ótilgen. Sebebi árbir otbasy – halyqtyń, al halyq memlekettiń basty negizi. Elbasy maqalasynda el birligi men berekesi týraly basa aıtty. Bizdiń alýandyǵymyz – básekeli jáne jahandyq álemdegi baǵa jetpes baılyǵymyz ben artyqshylyǵymyz.
Sondaı-aq maqalada dál qazirgi ýaqytta birde-bir adamnyń memleket qamqorlyǵynsyz qalmaıtyny aıtylǵan.
Elbasy maqalasyn oqyǵan áribir jannyń kókeıindegi kúdik seıilip, senimdiligi artady, tek búgingi tańdaǵy jaǵdaıda ǵana emes kez kelgen ýaqytta kóńilderine medeý bolatynyna kámil senimdimin, -dep túıindeıdi «Jambyl oblysy ózbek etnomádenı birlestigi» qoǵamdyq birlestiginiń tóraǵasy.