Elbasy álemge saıası ınnovatsııany kórsetti

NUR-SULTAN. QazAqparat - Elbasy Nursultan Nazarbaev sheshimderi kóptegen saıasatkerler men sarapshylardyń zertteý nysanyna aınaldy. Búgin «Nur Otan» partııasynyń kezekten tys HІH sezinde QR Prezıdenti Qasym-Jomart Toqaev osylaı málim etti, dep habarlaıdy QazAqparat tilshisi.

«Bárinen buryn Elbasy ázirlegen Bes ınstıtýtsıonaldy reformany jáne Ult josparyn, sondaı-aq basqa da strategııalyq qujattardy júzege asyrýdy jalǵastyramyz. Bizdiń partııa áleýmettik ádildikke, damýǵa negizdelgen Elbasynyń baǵytyn tapjylmaı tıimdi iske asyrady», - dedi Prezıdent.

Memleket basshysy Úshinshi jańǵyrý elimizdiń barlyq salalarda qarqyndy damýyn qamtamasyz etetinin, osy oraıda jańa tehnologııa, ındýstrııa, bilim men bıznes, áleýmettik qamtamasyz etý salalary nazarda bolatynyn jetkizdi.

«2019 jyldyń 19 naýryzynda Tuńǵysh Prezıdent - Elbasy Nursultan Nazarbaev bizdiń memlekettiń tarıhynda jańa kezeńdi ashty. Óziniń sheshimderiniń arqasynda ol barlyq álemdik qoǵamdastyqtyń zor qurmetine ıe boldy. Shyn máninde, bizdiń Kóshbasshy álemge saıası ınnovatsııany kórsetti. Bul qadam kóptegen saıasatkerler men sarapshylar tarapynan tyńǵylyqty zertteýdiń nysanyna aınaldy. Nursultan Ábishuly Nazarbaev - jahandyq aýqymdaǵy saıasatker jáne álemdik tarıhta osylaı qala beredi», - dedi Qasym-Jomart Toqaev.