Elbasy: Aldaǵy 5 jylda «Samuryq-Qazyna» qorynyń 3 kompanııasy «Fortune-500» tizimine kirýi tıis
«5 jyldan keıin qordyń keminde 3 kompanııasy iri «Fortune-500» kompanııasy tizimine kire alady ári kirýi de tıis. Qazirgi ýaqytta reıtınte negizinnen batys kompanııalary kirip otyr», - dedi Memleket basshysy.
Elbasynyń atap ótýinshe, mundaı kompanııalardyń jyldyq tabysy 5-ten 500 mlrd. dollarǵa deıingi qarjyny quraýda.
«Degenmen, sońǵy ýaqytta azııalyq kompanııalardyń da úlesi artyp keledi. 2003-2014 jyldary aralyǵynda bul tizimdegi qytaılyq kompanııalardyń sany 8-den 95-ke deıin artty. Al CNPC qytaı memlekettik munaı korporatsııasy alǵashqy bestikke kirdi. Sondaı-aq tizimde 8 reseılik kompanııa da bar», - dedi N.Nazarbaev.
QR Prezıdentiniń aıtýynsha, «Fortune» tizimine kirýdegi negizgi krıterıı tabys kólemi men qarjy eseptiliginiń ashyqtyǵy bolyp sanalady.