Elbasy AIIB-ny taýar aǵynyn arttyrýǵa qarjyny belsendirek salýǵa shaqyrdy

BEIJІŃ. QazAqparat - Qazaqstan Prezıdenti Nursultan Nazarbaev «Bir beldeý, bir jol» forýmynyń kóshbasshylar dóńgelek ústelinde Azııa ınfraqurylymdyq ınvestıtsııa bankin (AIIB) taýar aǵynyn ótkizýdi jeńildetý boıynsha jumystardy belsendi ınvestıtsııalaýǵa shaqyrdy, dep habarlaıdy QazAqparat.

«Joldyń («Bir beldeý, bir jol») artyp kele jatqan tranzıttik áleýetin tıimdi ıgerý úshin qyzmet kórsetý deńgeıin arttyrý, ákimshilik kedergilerdi joıý arqyly taýarlyq aǵyndardy ótkizýdi júıeli jeńildetý qajet. Osy rette Qazaqstan naqty sharalardy qabyldap jatyr», - dep toqtaldy Memleket basshysy.

Prezıdenttiń paıymynsha, bul baǵytta tıisti saraptama men qarjylandyrý kerek.

«Azııa ınfraqurylymdyq ınvestıtsııa banki bundaı baǵdarlamalardy belsendirek qarjylandyrý tıis dep sanaımyn. Bul ınvestıtsııalar bolashaqqa negizdelgen», - dedi N. Nazarbaev.

Eske salaıyq, Elbasy QHR-ǵa eki kúndik saparmen bardy. Onda QR Prezıdenti Beıjińde «Bir beldeý, bir jol» baǵdarlamasy aıasynda halyqaralyq yntymaqtastyqty nyǵaıtý maqsatynda joǵary deńgeıdegi forýmǵa qatysýda.

Oǵan 29 memlekettiń prezıdentteri men úkimet basshylary, sondaı-aq BUU, Dúnıejúzilik bank pen Halyqaralyq valıýta qorynyń ókilderi  keldi.