Elbasy: 2018 jylǵa deıin túrli bastamalarǵa moratorıı engizý qajet

ASTANA. QazAqparat - 2018 jylǵa deıin túrli bastamalarǵa moratorıı engizý qajet. Búgin Aqordada ekonomıkalyq saıasattyń júıeli sharalary jónindegi keńes ótkizgen QR Prezıdenti Nursultan Nazarbaev osylaı málim etti.

Jıyn barysynda Elbasy jańa ekonomıkalyq aqıqattardy eskere otyryp, barreline 30-40 dollar deńgeıindegi munaı baǵasyna beıimdelý qajettigin atap ótti. «Ótken jyldary ishinde biz kóp qurylys saldyq, shtat sanyn jáne jalaqy deńgeıin kóterdik. Biraq qazir qarjy jetispeýshiligi baıqalady. Osyǵan oraı jańa jobalarǵa shyǵystar kiris bazasynyń keńeıtilý múmkinshiligimen qatań shekteletin bolady. Sondyqtan 2018 jylǵa deıin túrli bastamalarǵa moratorıı engizý qajet. Bul búgingi kún shyndyǵynan týyndaǵan amalsyz shara», - dedi QR Prezıdenti. Memleket basshysy 2018 jyly respýblıkalyq bıýdjet tapshylyǵyn 1 paıyzǵa deıin tómendetýdi tapsyryp, tapshylyqty qarjylandyrý tek qana ishki rezerv esebinen júrgizilýi tıistigine basa nazar aýdartty.