Elbasy: 2013 jyldyń qorytyndysy boıynsha el ekonomıkasynyń ósimi 6 paıyz deńgeıinde kútiledi
Cóz arasynda Elbasy ındýstrııalandyrý aıasyndaǵy ilki jobalarǵa toqtala kele, munda el tarıhynda buryn bolmaǵan jobalardyń júzege asyp jatqanyn alǵa tartty. «Bul bizdiń, barsha qazaqstandyqtardyń ortaq jeńisi. Sonymen qatar, bunyń barlyǵy ekonomıkamyzdyń básekege qabilettiligin arttyrýǵa, qazaqstandyqtardy laıyqty jumyspen qamtamasyz etýge, jurttyń ómiri sapasy men turmysyn jaqsartýǵa baǵyttalyp otyr. Júzege asyp jatqan osy jobalardyń arqasynda 2013 jyldyń qorytyndysy boıynsha ekonomıka ósimi 6 paıyz deńgeıinde kútiledi. Álemniń barlyq memleketteri japa shegip otyrǵan jahandyq daǵdarys jaǵdaıynda bul asa mańyzdy kórsetkish», -dedi N. Nazarbaev. Prezıdenttiń aıtýynsha, bıylǵy ınflıatsııa 5 paıyzdan aspaıdy, al jumyssyzdyq 5,2 paıyzdan óspeıdi. «Bul da jeńiske laıyq kórsetkish», - dedi Elbasy.