«El, jer jəne ózimiz» - baspasózge sholý
***
«Egemen Qazaqstan» gazeti búgin batyr, aqyn, kompozıtor Imanjúsip Qutpanulynyń nemeresi Raýshan Imanjúsippen ótkizgen suhbatyn usynyp otyr. «Bıyl 1916 jylǵy ult-azattyq kóterilisine 100 jyl tolady. Bul táýelsizdikti ańsaǵan halyqtyń otarshyldyqqa qarsy ashý-yzasynyń kórinisi bolatyn. Keń-baıtaq qazaq jeriniń ár shalǵaıynda ol ártúrli kórinis tapty. Halqymyzdyń «noqtaǵa basy syımaǵan» uldary atqa minip, qylysh kóterdi, ishtegi muń men sherin áni men jyryna qosty.
Azattyq úshin alysqan erlerdi qýǵyndaý keńestik qyzyl saıasat kezinde údeı tústi. Onyń sońy 30-jyldarǵy saıası qýǵyn-súrginge ulasyp, asyldarymyz súttiń betindegi qaımaqtaı sylynyp tastaldy. Imanjúsip Qutpanulynyń ómiri men óneri sonyń aıqyn mysaly boldy» dep jazady basylym. Imanjúsiptiń nemeresi, fılosofııa ǵylymdarynyń doktory, professor Raýshan Imanjúsiptiń «Dala kókjaly» atty suhbatyn Egemen Qazaqstan gazetiniń búgingi sanynan oqı alasyzdar.
Bas basylymynyń habarlaýynsha, Estonııa memleketiniń qarjy mınıstri QR Memlekettik basqarý akademııasynda dáris oqyǵan. Qazaqstan Respýblıkasy Prezıdentiniń janyndaǵy Memlekettik basqarý akademııasynda Estonııa Respýblıkasynyń Qarjy mınıstri Sven Sesterdiń qonaq dárisi bolyp ótti. «Dáris barysynda Sven Sester myrza Qazaqstanmen aradaǵy syrtqy ekonomıkalyq qatynastardyń damýynyń negizgi baǵyttary, Estonııadaǵy tabysty memlekettik jáne ákimshilik reformalar týraly aıtyp, qarjy resýrstaryn utymdy basqarý tájirıbesimen bólisti» dep habarlaıdy «Egemen Qazaqstan» gazeti. Bul týraly tolyǵyraq «Estonııanyń qarjy mınıstri memlekettik basqarý akademııasynda dáris oqydy» atty maqaladan oqı alasyzdar.
***
«Aıqyn» gazeti búgin Dúnıejúzi qazaqtary qaýymdastyǵy tóraǵasynyń orynbasary, Qazaqstannyń eńbek sińirgen qaıratkeri, jazýshy, dramatýrg Sultanəli Balǵabaevpen ótkizgen suhbatyn usynyp otyr. «Biraz másele Úkimettiń jáne onyń qaraýyndaǵy Ekonomıka mınıstrliginiń jumysyna baılanysty. Olar memlekettik qyzmetti bıznespen, qazaqsha aıtqanda, taza saýdamen shatastyratyn sııaqty. ıAǵnı ondaǵy jaýapty qyzmetkerler 1,7 mln gektar jerdi aýktsıonǵa shyǵaryp satsaq, sóıtip, odan 2 mlrd taza paıda túsirsek boldy, basqa eshteńe de keregi joq dep eseptegen. Árıne, bul taza bıznestik kózqaraspen kelgende óte durys, odan arǵysyna bas aýyrtpasa da bolady. Al satylatyn 1,7 mln gektar jerdiń budan keıingi jaǵdaıy qalaı bolady, ol jerdi buryn paıdalanyp kelgen san myńdaǵan halyq ne oılaıdy, jeri satylsa qaıtip kún kóredi - bul suraq jer satýdyń jobasyn daıyndaǵan memlekettik qyzmetkerlerdiń eshqaısysynyń da qaperine kirmegen. ıAǵnı olar halyqpen jumys isteıtinderin, halyqtyń múddesimen sanasyp, usynys-tilekterin eskerýge tıis ekendikterin umytyp ketken sııaqty. Jer máselesine qatysty jıynda Elbasy muny jerine jetkizip aıtty. Jer reformasy jónindegi komıssııa da soǵan oraı quryldy. Degenmen, komıssııanyń jumysy bitken soń ne bolady? Eń bastysy - osynda» degen S.Balǵabaev suhbatynda. Bul týraly tolyǵyraq «Aıqyn» gazetindegi «El, jer jáne biz» atty suhbattan oqı alasyzdar.
***
Al, «Ekspress K» basylymy múmkindigi shekteýli jandarǵa arnalǵan týrızm týraly jazyp otyr. «Ornyqty damý» atty jer qorynyń ókili Əsemgúl Əbdrahmanova múmkindigi shekteýli adamdarǵa arnalǵan týrızmdi damytýǵa nıetti. «Olar da saıahattap, dúnıeniń tórt buryshyn aralaýǵa quqyly. Bul Əsemgúldiń pikiri jáne onyń alǵa qoıǵan maqsaty. Jýyrda Aqmola oblysynyń Aqkól aýdanynda ınklıýzıvti qonaq úı salynady» dep jazǵan basylym. Bul týraly tolyǵyraq «Vam krylıa ne pomoch raspravıt?» atty maqaladan oqı alasyzdar.