Elvıra Ázimova: Qoǵam qaýipsizdigi úshin qarý qoldaný máselesi ashyq bolýǵa tıis
«2020 jyly tap bolǵan qatań lokdaýn jaǵdaıynda biz Úkimetke jeke jospar ázirleý usynysyna qaıta oralý kerektigin aıttyq. Byltyr 24 jeltoqsanda mundaı jospar qabyldandy da. Elimizde bolǵan jáne qazir Ýkraınada bolyp jatqan oqıǵalardan keıin atalǵan jospardyń ózektiligi kún tártibindegei №1 máselege aınalǵanyn kórip otyrmyz. Biz beıbitshilik pen qaýipsizdikti qamtamasyz etý máselesi áıelderdiń qatysýymen bolýǵa tıis dep aıtamyz», - dedi Elvıra Ázimova QR Syrtqy ister mınıstrliginde «Áıelder, beıbitshilik jáne qaýipsizdik» taqyrybynda ótken dóńgelek ústelden keıin.
Spıker úkimet josparynda quqyq qorǵaý organdary – Qorǵanys jáne tótenshe jaǵdaılar organdary iske asyratyn 16 is-shara bar ekenin atap ótti.
«Meniń oıymsha, Parlament pen Úkimet tergeý nátıjelerin (qańtardaǵy oqıǵalardy) eskere otyryp, osy baǵytta jumys isteýi kerek. Bul quqyq qorǵaý organdarynyń kadr quramyna da qatysty. Bizde quqyq qorǵaý organdarynda áıelder óte az. Meniń oıymsha, quqyq qorǵaý organdarynda jumys isteýge sheshim qabyldaǵan áıelder medıatıvtik kelissózder quraldaryn qoldanýdy basty nazarǵa alýy kerek. Bul organdardyń ádettegi tájirıbesine aınalýǵa tıis. Árıne, qaýip-qaterlerdi eskere otyryp, belgili bir dárejede ómir men qaýipsizdik máselesi arnaıy quraldar men qarý qoldanýdy da kózdeıdi, biraq bul halyq úshin de ashyq ári aıqyn bolýǵa tıis. Bul zańnamany ózgertý máselesin de qamtıdy», - dedi Elvıra Ázimova.