Elvıra Ázimova: Qańtar oqıǵasy kezinde advokattardyń jumysyna shaǵym kóp aıtyldy
«Qańtar oqıǵasynan keıin keı adamdarǵa memleket kepildik bergen zań kómekterin mysal retinde aıtqym keledi. Mundaı kómek ásirese tergeý sýdıasy bultartpaý sharasy týraly sheshim shyǵarǵanǵa deıin alǵashqy ustaýlar kezinde kóp kórsetildi. Taǵy da aıtaıyn, ıá, advokattar alqasyna, Ádilet mınıstrligine ondaı shaǵym túspegen. Bul shaǵymdar meniń atyma ýaqytsha ustaý ızolıatorlaryna barǵan kezde aıtyldy. Shynyn aıtaıyn, shaǵym nege jazbady degenge kelsek, bolar is bolyp ketti jáne kóbi qamaýda otyr. Ekinshiden, quqyqtyq enjarlyq pen quqyqtyq saýatsyzdyq ta sebep bolýda», - dedi Adam quqyqtary jónindegi ýákil dedi ol «Zamanaýı advokatýra problemalary jáne olardy sheshýdiń joldary» atty dóńgelek ústelde.
Sondaı-aq, ol osyndaı syndarly sátterde advokattardyń jumylyp áreket etýi jetispeı jatatynyn atap ótti.
«Mundaı isterde bultartpaý sharasyn ózgertý, qamaýda ustaý máseleleri bóliginde qalaı áreket etý kerektigin óz ishterińizde pysyqtap, kelisýge bolar edi. Osy kezeńde jumysyn tıimdi kórsete almaǵan advokattardyń kesirinen kásip ókilderiniń bedeline kúmán týyndap jatyr. Ekinshiden, bul kómektiń aqysy bıýdjetten tólenetindikten memlekettiń gýmanıstik róline nuqsan keledi. Bıýdjettik tólem atalǵan kómektiń neǵurlym qoljetimdi bolý úshin bólinedi», - dedi Elvıra Ázimova.