«El úlesi – páterge!»: Qaraǵandy oblysynda 13 otbasy baspanaly boldy
Qazaqstan musylmandary dinı basqarmasy janyndaǵy «Zeket» qaıyrymdylyq qory muqtaj jáne kóp balaly otbasylarǵa, sondaı-aq erekshe bala tárbıelep otyrǵan otbasylarǵa páterler men úıler satyp aldy.
«Bizge az qamtylǵan otbasylardan ótinishter kelip túsýde. Osydan keıin bizdiń komıssııa bul adamdar turǵyn úıge muqtaj ba, joq pa, sony tekseredi. Sodan keıin biz páterlerdi ala bastaımyz. Jaqynda Qarajalda bir otbasyn baspanamen qamtamasyz ettik. Mundaı ıgi isterdi odan ári jalǵastyramyz», – deıdi «Zeket» qaıyrymdylyq qorynyń Qaraǵandy oblysyndaǵy jaýapty ókili Muhıt Jarymbetov.
Esterińizge sala keteıik, «El úlesi – páterge!» 2018 jyly qurylǵan. Onyń maqsaty – az qamtylǵan otbasylar úshin qaıyrymdylyq arqyly turǵyn úı satyp alý. Osy joba aıasynda respýblıkada 400-den astam otbasy turǵyn úımen qamtamasyz etildi.